ამერიკელი სენატორები ფიფადან რუსეთის გარიცხვას ითხოვენ

ამერიკელმა სენატორებმა „რესპუბლიკური პარტიიდან“ მარკ კერკმა და დენ კოუტსმა ფიფას პრეზიდენტ იოზეპ ბლატერს რუსეთისთვის 2018 წლის მსოფლიოს ჩემპიონატზე მონაწილეობის უფლების ჩამორთმევის თაობაზე წერილი მიწერეს.

„გთხოვთ, რომ სასწრაფოდ მოიწვიოთ ფიფას რიგგარეშე სხდომა, რომელზეც განხილული იქნება ფიფადან რუსეთის გარიცხვის საკითხი. ჩამოართვით რუსეთს 2018 წლის მსოფლიოს ჩემპიონატის მასპინძლობის უფლება და მოხსენით ეს ნაკრები 2014 წლის ბრაზილიის მუნდიალიდანაც.

ფიფას წესდების თანახმად, ქვეყნის ან ადამიანთა ჯგუფის მიმართ გამოვლენილი ნებისმიერი დისკრიმინაცია აკრძალულია და ისჯება ორგანიზაციის წევრობის სტატუსის შეჩერებით ან გარიცხვით.

როგორც ვიცით, 1992 და 1994 წლების მსოფლიოს ჩემპიონატებზე იუგოსლავია ამგვარად დაისაჯა“, – ნათქვამია წერილში, რომელიც სენატორთა ოფიციალურ ვებ-გვერდზე გამოქვეყნდა.

ბექა დოგრაშვილი
ჟურნალი Fanebi.com