აფრიკის ერთა თასის გუშინდელი გახსნის მატჩის, ანგოლა - მალი ფანტასტიური სცენარი შესაძლოა ვინმემ დაწერა, ამის შესახებ დღეს რამდენიმე უცხოურმა წყარომ ერთდროულად გაავრცელა ინფორმაცია. შეგახსენებთ, რომ შეხვედრის 78-ე წუთამდე ტურნირის მასპინძლები მალელებს 4:0-ს უგებდნენ, თუმცა დარჩენილ დროში ოთხი გოლი გაუშვეს და მატჩი ფრედ დასრულდა. როგორც ჩანს, მოვლენების სწორედ ამგვარ განვითარებაზე რამდენიმე ტოტალიზატორში საკმაოდ დიდი რაოდენობის ფსონი შევიდა, ანუ რეალურ დროში თამაშისას მავანმა ათეულმა "ტოტალიზატორშიკმა" ფსონი სწორედ 4:0-ის შემდეგ დადო და შეხვედრის ფრედ დასრულება იწინასწარმეტყველა, რამაც ბუნებრივია ჭორებს დაუდო სათავე.

"ბუკმეკერებმა ფსონების დიდი ოდენობა სწორედ მაშინ მიიღეს, როცა ანგარიში 4:0 გახდა და მათი უმეტესობა სწორედ ფრეს მიუთითებდა. ცნობისთვის, ამ დროს მოვლენების ამგვარი განვითარების შესაბამისი კოეფიციენტი 1000-ს აღწევდა, ასე რომ თუ შეხვედრის შედეგი წინასწარ იყო ცნობილი, ვიღაცამ რამდენიმე ასეული მილიონი მოიგო", - მოჰყავს ერთ-ერთი ტოტალიზატორის წარმომადგენლის სიტყვები "დეილი ტელეგრაფს".