დღეს საქართველოს ეროვნული ჩემპიონატის სამი გამოტოვებული მატჩი გაიმართა და სამივეში ლიდერებმა სამ–სამი ქულები მიითვალეს.  ბოლნისის სიონმა თბილისის დინამოს უმასპინძლა, რუსთავის ოლიმპი ბაიას დაუხვდა, ხოლო გაგრამ ვიტ–ჯორჯია მიიღო. სამივე შეხვედრა მინიმალური ანგარიშით ფავორიტებმა მოიგეს. აღსანიშნავია, რომ რუსთავის ოლიმპის ბრაზილიელმა ლეგიონერმა ანდერსონ აკინომ უკვე მე–20 გოლი მიითვალა საკუთარ აქტივში და ბომბარდირთა შორის პირველობას არავის უთმობს. 

დღეს ჩემპიონთა ლიგის 1/8 ფინალური ეტაპის ორი განმეორებითი მატჩი გაიმართება. ოლდ ტრაფორდზე მანჩესტერ იუნაიტედი იტალიურ მილანს მასპინძლობს, ხოლო მადრიდში სანტრიაგო ბერნაბეუზე მადრიდის რეალი ლიონის ოლიმპიკს უმასპინძლებს. "ოცნებების თეატრში" დაბრუნდება ყოფილი მანჩესტერელი დევიდ ბექჰემი და საინტერესოა როგორ დახვდება ინგლისელი გულშემატკივარი თანამემამულეს მილანის მაისურით. შეგახსენებთ, რომ პირველი შეხვედრა მილანში სან–სიროს სტადიონზე მანჩესტერელთა გამარჯვებით 3:2 დასრულდა და გასვლის უკეთესო შანსები სწორედ მანკუნიანელებს აქვთ. რაც შეეხება სანტიაგო ბერნაუბეზე გასამართ შეხვედრას, რაღა თქმა უნდა არანაკლებ საინტერესო და დაძაბული მატჩი გველოდება, პირველი შეხვედრა ლიონმა 1:0 მოიგო და რეალის ფეხბურთელები ეცდებიან საკუთარი გულშემატკივრის წინაშე რევანში აიღონ. აქვე გეტყვით, რომ ორივე შეხვედრა თბილისის დროით 23.45 წუთზე დაიწყება და მათ პირდაპირ რეპორტაჟს live.fanebi.com შემოგთავაზებთ

"ბარსელონას" მცველი ერიკ აბიდალი ვარჯიშებს დაუბრუნდა. დღეს ფეხბურთელმა ინდივიდუალური პროგრამით ივარჯიშა, ამის შესახებ goal.com იტყობინება. შეგახსენებთ, რომ ფრანგმა მცველმა ტრავმა ერთი თვის წინ მიიღო და ექიმების ვერდიქტის მიხედვით, ექვსიდან რვა კვირამდე უნდა გამოეტოვებინა, თუმცა მოსალოდნელია, რომ ის მოედანს სულ ცოტა ხანში დაუბრუნდება. 

მოსკოვის სპარტაკის 17 წლის ფეხბურთელი ჯანო ანანიძე კიდევ ერთი გრანდის თვალთახედვის არეში მოექცა, ლაპარაკია იტალიურ "მილანზე". როსონერის სკაუტები ჯანოს არაერთ თამაშში დაკვირვებიან და ქართველს მათი მოწონებაც დაუმსახურებია, თუმცა როგორც livesport–ი იუწყება ანანიძეს მამა ამირან ანანიძე შვილის მილანში გადაბარგების წინააღმდეგია. "ჩემი შვილი სპარტაკში ძალიან კარგად გრძნობს თავს, ჩინებული გარემოა, ასე რომ ჯანო არსად არ წავა. შეგახსენებთ, რომ მისით ლივერპული, მანჩესტერ სიტი, სევილია, ფიორენტინა და სხვა ძლიერი კლუბები არიან დაინტერესებულნი. 

როგორც ადრიანოს აგენტი აცხადებს, ბრაზილიელი ფორვარდი ევროპაში დაბრუნებას აპირებს. "ფლამენგოს" წამყვანი თავდამსხმელი და სამხრეთ ამერიკული ფეხბურთის ერთ–ერთი საუკეთესო წარმომადგენელი სამშობლოში მიმდინარე სეზონის დასაწყისში დაბრუნდა, ეს ყველაფერი მისმა აფსიქოლოგიურმა არამდგრადობამ გამოიწვია. საბედნიეროდ ამჟამად ყველაფერი მოგვარდა, ადრიანო სრულიად გამოჯანმრთელდა და ევროპაში დასაბრუნებლად ემზადება.

ტურინის "იუვენტუსის" ვეტერანი ფორვარდი დავიდ ტრეზეგე Juventus.it-ის ჟურნალისტებს ესაუბრა. ფრანგის ოცნება ევროპის ლიგის ფინალში თამაში და მიმდინარე სეზონში რაიმე ტიტულის მოპოვებაა. შეგახსენებთ, რომ ევროპის, რანგით მეორე დონის ტურნირის ფინალური შეხვედრა გერმანიაში – კერძოდ კი ჰამბურგში გაიმართება.