"მანჩესტერისა" და "ლივერპულის" გულშემატკივრებს შორის ისედაც დაძაბული ურთიერთობაა, იმ კომედიურმა ფილმმა კი, რომლის პრემიერაც 16 ნოემბერს ლივერპულის ერთ-ერთ კინოთეატრში შედგა, ის შესაძლოა კიდევ უფრო გააუარესოს, აღნიშნულ ფილმში სტივენ ჯერარდი და ჯიმი კარაგერი მონაწილეობენ და მასში სერ ალექს ფერგიუსონი ალკოჰოლიკადაა წარმოდგენილი.

კომედია "ლივერპულისთვის" ისტორიულ შეხვედრას უკავშირდება, როცა სტამბოლში პირველი ტაიმის 3:0 წაგების შემდეგ მან "მილანის" დამარცხება შეძლო და სახელიც შესაბამისი ჰქვია "15 წუთი, რომელმაც მსოფლიო გააოცა". სურათი ძირითადად გასახდელში განვითარებულ მოვლენებს ეფუძნება, თუმცა ბევრი რამ რეჟისორების მოგონილია, მათ კი არც შავი იუმორი ჩათვალეს ზედმეტად და რა გასაკვირია, რომ ამისთვის საუკეთესო თემა "მანჩესტერი" იქნებოდა.

სერ ალექს ფერგიუსონი ფილმში ალკოჰოლიკია, რომელიც ბარში სვამს და სუიციდზე ფიქრობს. გამოყვანილია გარი ნევილიც, რომელსაც მსახიობი მართლაც რომ ძალიან ჰგავს, "მანჩესტერის" კაპიტანი კი ვირთხის როლს ასრულებს და მაისურზეც "Rat boy" აწერია. ფერგიუსონი სწორედ მას ურეკავს, როცა "მილანის" სამბურთიანი უპირატესობის შესახებ გაიგებს და სიხარულს უზიარებს.

ფილმი DVD დისკებზე დეკემბრიდან გამოვა.

(0)

ამობეჭდვა

აცნობე მეგობარს

მაღლა

---