"მანჩესტერ სიტის" მთავარმა მწვრთნელმა მარკ ჰიუზმა რობინიოს "ბარსელონაში" გადასვლასან დაკავშირებული ჭორებისთვის ბოლოს მოღება გადაწყვიტა და მცირე პრეს-კონფერენცია გამართა, ამის შესახებ Manchester Evening News იტყობინება.
25 წლის ბრაზილიელმა სახალხოდ განაცხადა, რომ კატალონიურ კლუბში თამაშის წინააღმდეგი არ არის, მაგრამ ჰიუზი თვლის, რომ მისი სიტყვები არასწორად იქნა გაგებული.
"აბსოლუტურად დარწმუნებული ვარ, რომ რობინიოს მომავალი "მანჩესტერ სიტის" უკავშირდება და რაც მთავარია, ეს თავად ფეხბურთელის სურვილია. ჩვენს კლუბში ამ ტრანსფერზე ერთი სიტყვაც კი არ თქმულა, მის წასვლას არავინ განიხილავს და უახლოეს მომავალში ეს არც მოხდება".
აღვნიშნავთ, რომ რობინიო უკვე საკმაო ხანია ტრავმის გამო ტოვებს "სიტის" თამაშებს, თუმცა გავრცელდა ხმები, რომ მისი განაცხადში ვერ მოხვედრა არა ტრავმის, არამედ სწორედ გუნდის შეცვლის სურვილის "დამსახურებაა".
(0)
ამობეჭდვა
აცნობე მეგობარს
მაღლა
