"ანჟის" ქართველმა მთავარმა მწვრთნელმა ომარ თეთრაძემ ნალჩიკის "სპარტაკთან" რუსული პრემიერლიგის პირველ ტურში ნათამაშები ნულოვანი ფრე შეაფასა და აღნიშნა, რომ პირველ ტაიმში უპირატესობას მეტოქე ფლობდა, მაგრამ მეორე ნახევარში თამაშის სადავეები ხელში მისმა გუნდმა აიღო. თუმცა მიუხედავად ამისა, "ანჟის" მთავარი ამოცანა ყველა მატჩში გოლის არგაშვება იქნება და ამის მიზეზი გუნდის დებიუტანტობაა.

"ბარსელონას" მცველმა რაფაელ მარკესმა ესპანეთის პრიმერადივიზიონის 23 ტურში "ვალენსიასთან" გასამართი მატჩის წინ აღნიშნა, რომ წამყვანი თავდამსხმელის, დავიდ ვილიას არყოფნა "ღამურების" სერიოზულად არ აღქმის მიზეზი არ არის და ამის მიზეზი თუნდაც მხოლოდ ისაა, რომ კატალონიელების რიგებში, თავის მხრივ, დისკვალიფიცირებული ზლატან იბრაჰიმოვიჩი ვერ ითამაშებს.

"ლივერპულის" თავდამსხმელი ფერნანდო ტორესი თვლის, რომ "წითლებს" ახალი სეზონის წინ სერიოზულად გაძლიერება სჭირდებათ, ამის შესახებ მან გამოცემა "ასთან" ინტერვიუში განაცხადა.

ბერლინის "ჰერტას" რამდენიმე რკინის ნივთით შეიარაღებული გულშემატკივარი დღეს "ნიურნბერგთან" გუნდის საშინაო მატჩის შემდეგ მოედანზე შეიჭრნენ და ხელმძღვანელობას გადადგომისკენ მოუწოდებდნენ.

სანდრო კობახიძის "კრივბასმა", რომელსაც სავარაუდოდ უკრაინის "ვიშა ლიგიდან" დაქვეითება მოუწევს, დღეს ოდესის "ჩერნომორეცთან" ითამაშა და 1:3 დამარცხდა. უნდა ითქვას, რომ ქართველი ფეხბურთელი ბოლო ხანს ერთადერთი ნათელი წერტილია აუტსაიდერთა შორის და დიდი შანსია, მომავალი სეზონი ახალ გუნდში დაიწყოს. სანდრომ მატჩი შეუცველად ჩაატარა და პირველი ტაიმის მიწურულს შესანიშნავი გადაცემით ვორონკოვს გაატანინა კიდეც. 79–ე წუთზე კი ის არბიტრთან კამათისთვის გააფრთხილეს.