საქართველოს ჩემპიონ �ვიტ ჯორჯიას� სლოვენიის საუკეთესო გუნდ �მარიბორთან� მოუწევს შეხლა. �მარიბორს� უკვე უთამაშია ჩემპიონთა ლიგაზე. ეს 10 წლის წინანდელი ამბავია, მაგრამ ფეხბურთი ტრადიციული თამაშია და ტრადიციები, დიახაც, ბევრს ნიშნავს. თუმცა �მარიბორი� დიდი გუნდების მარაქაში არასდროს ყოფილა და იქნებ, საქართველოს ჩემპიონთან ფეხიც დაუცდეს...

საქართველოს თასის წლევანდელი მფლობელი თბილისის �დინამო� ლატვიურ (ლიეპაია) �მეტალურგს� შეებრძოლება. 5 წლის წინათ ლატვიის ნაკრებმა ევროპის ჩემპიონატის ფინალურ ეტაპზე იასპარეზა. ლატვია, ალბათ, ყველაფრით წინ არის ჩვენზე, მაგრამ სამაგიეროდ, ჩვენ გვყავს თბილისის �დინამო� და ამ სახელმა ლიეპაიას გუნდი, ვინძლო, დალეწოს კიდეც.

�ზესტაფონი� ჩრდილოირლანდიურ �ლისბერნს� შეხვდება და ფრთხილად უნდა იყოს - ბრიტანელები ფეხბურთს მარჯვედ თამაშობენ. მართალი კია, რომ �ლისბერნის� სახელი ვერაფერს გვეუბნება, მაგრამ... ქართული გუნდებისთვის ნებისმიერი მეტოქე სერიოზულ ძალას წარმოადგენს - ასე მოიტანა ჟამთა სვლამ. თუმცა �ზესტაფონს� ჰყავს ისეთი მწვრთნელი და ფეხბურთელები, ევროგამოცდილება რომ გააჩნიათ და ფეროელებს მომდევნო ეტაპზე გასვლის რიგიანი შანსიც აქვთ.

საქართველოს ნაკრებია, ჯგუფში ფარერები რომ აღარ ჰყავს და თამაშსაც ვეღარ იგებს, თორემ რუსთავის �ოლიმპს� რა უჭირს - რჩეული მეთევზეებისგან დაკომპლექტებულ �ბ 36 ტორსჰავნთან� მოუწევს ბურთის დევნა. ღმერთმანი, ყველაზე მეტად მაინც �ოლიმპს� გაუმართლა...

მოკლედ, რაღა დარჩა, ერთი კვირაც და ქართული გუნდები ევროპულად აძიგძიგდებიან.