საქართველოს 17-წლამდელთა ნაკრები ევროპის ჩემპიონატის შესარჩევი ტურნირის ელიტრაუნდისთვის მზადებას განაგრძობს. გიორგი დევდარიანის გუნდი, რომელმაც ზუგდიდური შეკრება რამდენიმე დღის წინ დაასრულა, ბელგიაში გაემგზავრება, სადაც 9 და 11 თებერვალს იქაურ 17-წლამდელებთან ამხანაგურ მატჩებს გამართავს.

ელიტრაუნდის დაწყებამდე ქართველი 17-წლამდელები კიდევ რამდენიმე საკონტროლო შეხვედრას ჩაატარებენ. არაა გამორიცხული, გერმანიის ნაკრებს შევხვდეთ. ჩვენ მსგავსად, გერმანელებიც ელიტრაუნდისთვის ემზადებიან და ქართველებთან გაჯიბრების სურვილი ამიტომაც გამოთქვეს. სავარაუდოდ, საქართველოს ფეხბურთის ფედერაციისა და გერმანიის საფეხბურთო კავშირის წარმომადგენლებს შორის მოლაპარაკებები გაიმართება და ეს საკითხი რამდენიმე დღეში გაირკვევა.