თორნიკე ოქრიაშვილი, რომელიც რამდენიმე დღის წინ სანტ–პეტერბუგის "ზენიტში" ჩაირიცხა, პირველი ვარჯიში ჩაატარა გუნდთან ერთად და საკმაოდ წარმატებულადაც. ორ მხრივ თამასში, თორნიკემ ორი ბურთის გაქვითვა მოახერხა, მაშინ როდესაც თავისი გუნდი 2:0 აგებდა. აღსანიშნავია, რომ მისით აღფრთოვანებულნი არიან კლუბის წარმომადგენლები და მის დიდ მომავალს უწინასწარმეტყველებენ. შეგახსენებთ, რომ ავსტრიაში მყოფი "ზენიტი" თავის პირველ შეხვედრას, სწორედ "ზესტაფონის" წინააღმდეგ გამართავს და ოქრიაშვილს სწორედ იქ მიეცემა თავის გამოჩენის შანსი.

საქართველოს ეროვნული ნაკრების ფეხბურთელი ილიან კანდელაკი კვლავ გრაცის "შტურმის" ღირსებას დაიცავს. აღსანიშნავია, რომ კანდელაკმა გასული სეზონი საკმაოდ კარგად და სტაბილურადაც ჩაატარა და გუნდის მთავარი მწვრთნელის გადაწყვეტილებით ქართველი ფეხბურთელი სწორედ იმ მოთამაშეების რიცხვში არის, რომლებიც მომდევნო სეზონში გუნდის ბირთვი უნდა წარმოადგინონ.

სეზონის დასრულების შემდეგ საქართველოს ყველაზე ტიტულოვანი კლუბი თბილისის "დინამო" დღეს დიღმის საწვრთნელ ბაზაზე პირველად შეიკრიბა, ხვალ კი დილის 9–დან სამედიცინო შემოწმებას გაივლის გუნდი და ოთხშაბათიდან ორჯერად ვარჯიშებზე გადავა. ამასთან დაკავშირებით კლუბის პრესს-ატაშემ ბატონმა გიგა გვენცაძემ ჩვენთან საუბარში აღნიშნა. აგრეთვე, როგორც ბატონი გიგა იუწყება, გუნდი დაგეგმილ შეკრებაზე გერმანიაში აღარ გაემგზავრება, ამის მიზეზი კი ევროპის ლიგაზე პირველ საკვალიფიკაციო ეტაპზე მოხვედრა წარმოადგენს, ამასთან საჭირო სპარინგ პარტნიორები ვეღარ ახერხებენ მატჩების გამართვას და აქედან გამომდინარე გუნდი თბილისსში გააგრძელებს მომზადებას.

საქართველოს უმაღლესი ლიგის გათამაშების ჩემპიონი რუსთავის "ოლიმპი" მიმდინარე სატრანსფერო ბაზარზე აქტიური, რომ არის ამასთან დაკავშირებით უკვე ვწერდით. ახლა კი ცნობილი ხდება, რომ რუსთავური კლუბი ოთხ ლეგიონერს დაიმატებს, საუბარია, ბრაზილიელ მანზატოზე (27 წლის), ჩერნოგორიელ იგორ კუჩიზე (25), ალბანელ რომეო ჰამზაიზე (27) და ესტონელ ურმას როობაზე (31). 

როგორც უკვე გაუწყეთ, ქუთაისის "ტორპედოს" რიგებში მატება არის, ჩიკვილაძე, ფოფხაძე და დათუნაიშვილი ამიერიდან ქუთაისური გუნდის ღირსებას დაიცავენ. ამ ინფორმაციას თავად გუნდის მთავარი მწვრთნელი რამაზ მუმლაძე ადასტურებს.

საქართველოს ეროვნულ ჩემპიონატში გადმოსულმა ქუთაისის "ტორპედომ" მნიშვნელოვანი ტრანსფერები განახორციელა. კერძოდ, "ტორპედომ" თბილისის "დინამოს" მცველი თენგიზ ჩიკვილაძე გადაიბირა, აგრეთვე საქართველოს თასის ფინალის "გმირი"  აწ უკვე ყოფილი "ვიტ-ჯორჯიის" მოთამაშე გიორგი დათუნაიშვილი და ბოლოს ცხინვალის სპარტაკის ფეხბურთელი ფოფხაძე. როგორც ვხედავთ, ქუთაისური კლუბი  სერიოზულად ძლიერდება და მისი სახით საკმაოდ კარგ გუნდს ვიხილავთ ეროვნულ ჩემპიონატში.

საქართველოს ეროვნული ნაკრებისა და სერბეთის "ვოივოდინას" ფეხბურთელ გიორგი მერებაშვილს გუშინ დავუკაშვირდით და რამდენიმე საკითზე დავუსვით შეკითხვა. საუბარი შეეხო, საკლუბო და სანაკრებო დონეს, ამ და სხვა თემებზე თქვენ ვრცლად ინტერვიუში გაეცნობით.

თბილისის "დინამო", რომელიც მოსკოვში გასამართ ოთხთა "დინამოს" ტურნირზე უნდა გამგზავრებულიყო, აღარ გაემგზავრება. ამის მიზეზი კი ის გახლავთ, რომ ევროპის ლიგის მოსამზადებელი ეტაპისთვის დრო არის საჭირო აქედან გამომდინარე, მის ნაცვლად რუსულმა მხარემ რუმინულ ბუქარესტის "დინამოს" შეუთვალა შეთავაზება. შეგახსენებთ, რომ ტურნირზე, მინსკის, მოსკოვის, კიევის "დინამოს" კლუბები მონაწილეობენ. ტურნირი 30 ივლისიდან – 4 აგვისტომდე გაიმართება.

საქართველოს XXI ეროვნული ჩემპიონატის გამარჯვებულმა რუსთავის "ოლიმპმა" სამი ფეხბურთელი გაუშვა. მეკარეები გრიგოლ ჭანტურია, მირზა მერლანი და ეროვნულ ჩემპიონატის ერთ-ერთი საუკეთესო ფეხბურთელი გივი კვარაცხელია. ჯერ-ჯერობით უცნობია თუ რომელ კლუბებში გააგრძელებენ ზემოთ ნახსენები ფეხბურთელები კარიერას, თუმცა უახლოეს დღეებში ეს ყველაფერი აუცილებლად გაცხადდება.

იტალიის ეროვნული ნაკრების მთავარმა მწვრთნელმა მარჩელო ლიპიმ, სამუნდიალო შემადგენლობა დაასახელა. აღსანიშნავია, რომ სიაში "მილანის" ფორვარდი მარკო ბორიელო და "ვილიარეალის" ფეხბურთელი ჯუზეპე როსი არ მოხვდნენ. შეგახსენებთ, რომ "ნერააძური" F ჯგუფში ახალ ზელანდიას, პარაგვაის და სლოვაკეთის ეროვნულ ნაკრებებს დაუპირისპირდება.

საქართველოს ეროვნული ნაკრებისა და ისრაელის ჰაიფას "მაკაბის" 24 წლის ფორვარდი ლადო დვალიშვილი მომდევნო სეზონში შესაძლოა "ტრაპზონსპორში" გადავიდეს. ტრაპზონი, რომელიც თურქეთის სუპერ ლიგაში მე–5 ადგილი დაიკავა, მზადაა ქართველი ფეხბურთელის სანაცვლოდ 1 მილიონი ევრო გაიღოს. უნდა ითქვას, რომ ისრაელის მხარეს შემოთავაზებული თანხა არ ხიბლავს და თურქული კლუბისგან გაცილებით დიდ თანხას მოითხოვს, რადგან დვალიშვილი "მაკაბისთვის" გაცილებით ღირებულ ფეხბურთელს წარმოადგენს. ისე კი შეგახსენებთ, რომ ლადო დვალიშვილის კლუბთან კიდევ 1 წლიანი კონტრაქტი აკავშირებს, ასე, რომ ჯერ-ჯერობით არაა გადაწყვეტილი გააგრძელებს თუ არა თავის კარიერას სხვა გუნდში.

ქუთაისის "ტორპედო", რომელიც საქართველოს ჩემპიონატის შემდგომ სეზონში უმაღლეს ლიგაში იასპარეზებს, გუნდს გამოცდილი სპეციალისტი რამაზ მუმლაძე უთავკაცებს. ჯერ–ჯერობით უცნობია კონტრაქტის დეტალები თუმცა, ფაქტია ასეთი დონის სპეციალისტი "ქუთათურებს" დიდ წარმატებას მიაღწევინებს. შეგახსენებთ, რომ მუმლაძე წლების განმავლობაში თბილისის "ვიტ-ჯორჯიაში" მუშაობდა, ბოლო კი ვისოლი "ავაზას" გუნდს წვრთნიდა.

გუშინდელმა საღამომ საინტერესოდ და ასევე სკანდალურად ჩაიარა. ოთარ გაბელიას შეგირდები, შვეიცარიის ახალგაზრდულ ნაკრებს დაუპირისპირდნენ და  სამი ქულის აღება ვერ მოახერხეს. შეხვედრა დაძაბულად წარიმართა, თუმცა რომ არა მატჩის დასაწყისში ირაკლი კლიმიაშვილის ტრავმა, მატჩის შემდგომ ტაბლოზე აშკარად სხვა ანგარიში იქნებოდა, რა თქმა უნდა ჩვენს სასარგებლოდ. კლიმიაშვილის გასვლამ აშკარად დაატყო გუნდს და კარგად გამოჩნდა, რომ გაბელიას გეგმები რადიკალურად შეიცვალა. უნდა ითქვას, რომ ხშირ მომენტებში ჯანო ანანიძე დაჩრდილული იყო, მაშინ როდესაც პოზიციურად კარგად იყო გახსნილი და სწორ დროს, რომ გაეკეთებინათ მის თანაგუნდელებს გადაცემები გაცილებით უკეთესი იქნებოდა. საქართველოს ნაკრებმა შესძლო რევაზ ბარაბის გოლის წყალობით გოლის გატანა, მაგრამ გვერდითა არბიტრის აწეულმა ალამმა წამიერი სიხარული დაასამარა. ეს რაც შეეხებოდა პირველ ტაიმს მოკლედ, ყველაზე საინტერესო კი მართლაც შეხვედრის მეორე ნახევარში განვითარდა. ტაიმის ნახევარში სრულიად შემთხვევით სტადიონზე განათება ჩაქვრა და მსაჯს მატჩის გაჩერება დაახლოებით 8–10 წუთის განმავლობაში მოუწია. ორივე ნაკრების ფეხბურთელებს კარგი ამოსუნთქვის საშუალება მიეცათ, თუმცა მაშინვე გაჩნდა კითხვა, რას იზამს უეფას დელეგატები ამ ფაქტის შემდეგ დაგვსჯიან თუ არა ან შეწყდება თუ არა თამაში? ყველაფერმა კი ისე ჩაიარა, რომ მატჩიც გაგრძელდა და არავითარ სანქციას აღარ ჰქონდა ადგილი.

ოთარ გაბელიას დამოძღვრილმა საქართველოს 21 წლამდელთა ნაკრებმა შვეიცარიელ თანატოლებს ვერაფერი მოუხერხა და მატჩში, რომელშიც სამი ქულა ჰაერივით ესაჭიროებოდა, ოდენ ფრეს დასჯერდა.

დღეს, 19.00 საათზე, ბორის პაიჭაძის სახელობის ეროვნულ სტადიონზე, გაიმართება ევროპის 2011 წლის შესარჩევი ეტაპის მატჩი საქართველოსა და შვეიცარიის 21 წლამდელთა ნაკრებებს შორის. ეს მატჩი უმნიშვნელოვანესია ჩვენი ბიჭებისთვის, რადგან ამ მატჩში მიღწეული შედეგი გვიტოვებს შანს, რომ მოვხვდეთ ევროპის ჩემპიონატზე. გუშინ ეროვნულ სტადიონზე, ორივე გუნდის ფეხბურთელებმა ივარჯეს და აღსანიშნავია, ჩვენი ბიჭების მონდომება და ჟინი და იმედი დავიტოვოთ, რომ ეს განწყობა დღეს დაფასდება. შვეიცარიის ნაკრები, რომელიც ჯგუფის ლიდერი 16 ქულით გახლავთ, პირველ შეხვედრაში დასანანი მარცხი გვაგემეს 1:0. ოთარ გაბელიას შეგირდების სატურნირო მდგომარეობას თუ გადავხედავთ რეალური შანსი გვაქვს, რომ ევროპის ჩემპიონატის ფინალურ ეტაპზე მოვხვდეთ. ჯგუფში ყველაზე ცოტა 6 მატჩი გვაქვს ჩატარებული და 8 ქულით მეხუთე ადგილზე ვიმყოფებით, იმედი დავიტოვოთ, რომ დღევანდელი საღამო ჩვენთვის წარმატებული იქნება.

მოგეხსენებათ, ხვალ, ბორის პაიჭაძის სახელობის ეროვნულ სტადიონზე 19.00 საათიდან სტარტს აიღებს საქართველოსა და შვეიცარიის ახალგაზრდულ ნაკრებთა შორის დაპირისპირება. როგორც ფეხბურთის ფედერაციის ოფიციალური ვებ-გვერდი იუწყება, მატჩს პირდაპირ რეპორტაჟს ტელეკომპანია "მზე" განახორციელებს, ხოლო მატჩისადმი მიძღვნილი ეთერი, ერთი საათით ადრე დაიწყება და საუბარი იქნება სწორედ, ევროპის 2011 წლის შესარჩევ ციკლში საქართველოს ახალგაზრდული ნაკრების თამაშზე.

ჩვენი საიტის მეშვეობით გაიგებდით, რომ რუსული სანტ-პეტერბურგის "ზენიტი" დაინტერესებული იყო "გაგრას" ფეხბურთელ თორნიკე ოქრიაშვილით. საბოლოო ჯამში, მხარეებმა შეთანხმებას მიაღწიეს და 18 წლის ნახევარმცველი 7 ივნისს ჩავა სანტ-პეტერბურგში და 3 წლიან კონტრაქტს მოაწერს ხელს. შეგახსენებთ, რომ საქართველოს 21 წლამდელთა ნაკრების ნახევარმცველით "ზენიტის" გარდა, სხვა ევროპული კლუბებიც იყვნენ დაინტერესებულნი.

თბილისის "დინამოს" ერთ-ერთი ლიდერი დიდი შანსია მოქმედ ჩემპიონ რუსთავის "ოლიმპში" აღმოჩნდეს. უკვე გწერდით, რომ რუსთავულმა კლუბმა მნიშვნელოვანი შევსება მიიღო და ჩემპიონთა ლიგის საკვალიფიკაციო ეტაპის დაწყებამდე კლუბის მესვეურვები ცდილობენ კლუბის გაძლიერებას. ვნახოთ, როგორ განვითარდება მოვლენები და აღმოჩნდება თუ არა დედაქალაქური კლუბის ლიდერი "ოლიმპში".

გერმანული "ფრაიბურგის" ქართველი ფეხბურთელი დავით თარგამაძე შესაძლოა "კარლსრუეში" ჩაირიცხოს. თარგამაძემ გუნდთან ერთად რამდენიმე ვარჯიში ჩაატარა და დიდი შანსია, რომ ალექსანდრე იაშვილის თანაგუნდელი გახდეს. ბოლო პერიოდში ქართველი ფეხბურთელი უკმაყოფილო იყო "ფრაიბურგში" თამაშით და მისი დიდი სურვილია, რომ კლუბი გამოიცვალოს.

მოგეხსენებათ, რომ 24 მაისს ქუთაისის სტადიონის გახსნა ძლიერი წვიმის გამო არ შედგა, აქედან გამომდინარე ფეხბურთის ფედერაციამ ეს ღონისძიება 28 მაისისთვის გადაიტანა სტადიონის გახსნა და დღეს 20.00 საათზე ქართულ საფეხბურთო სამყაროს ახალი არენა ოფიციალურად შეემატება. შეგახსენებთ, რომ გახსნის ერთ–ერთი ნაწილი იქნება, ქუთაისის "ტორპედოსა" და თბილისის "დინამოს" ვეტერანი ფეხბურთელების მატჩი.