U-21ნაკრები  25 მაისიდან თბილისში შეიკრიბება და 30 მაისს დაგეგმილი , შვეიცარიის ახალგაზრდული ნაკრების წინააღმდეგ გასამართი საშინაო მატჩისათვის მზადებას დაიწყებს.

პირველი ამხანაგური მატჩი 8 მაისს ჩატარდა, რომელშიც ჩვენმა ბიჭებმა ორი უპასუხო გოლი (ლაშა ჩაფიძე და გიორგი ჩელებაძე) გაუტანეს მოწინააღმდეგეს.

"გლადიატორები" ვაპროტესტებთ, ფეხბურთში საქართველოს თასის გათამაშების ფინალის 14:00 საათზე ჩატარებას. მიგვაჩნია, რომ ეს დრო არანაირად არ შეეფერება საფეხბურთო სეზონის მაჟორულ ნოტაზე დასრულებას. არსებობს უამრავი მიზეზი რათა ფინალი გაიმართოს საღამოს: გაცილებით მეტი მაყურებელი (გაითვალისწინეთ, რომ თბილისში ისედაც ცოტა მაყურებელი დადის სტადიონზე), შედარებით გრილი საფეხბურთო ამინდი, ხელოვნური განათების ეფექტი და საერთოდ- ფეხბურთელთა ემოციური ფონი... თასის ფინალი ხომ სეზონის ლამაზად დასრულების საუკეთესო საშუალებაა. ჩვენ არასწორედ მიგვაჩნია ამდაგვარი ზერელე დამოკიდებულება დავით ყიფიანის სახელობის თასის მიმართ, რითაც ნათლად ჩანს რარიგ აინტერესებთ "ხელმძღვანელ" (საფეხბურთო და პოლიტიკურ) ორგანოებს ფეხბურთის განვითარება. ჩვენ მივესალმებით ქუთაისში სტადიონის განახლება-გახსნას, მაგრამ ვერ ვხედავთ ლოგიკას და მიზეზს, რატომ უნდა დაზარალდეს ამით ფინალური მატჩი. თავისუფლად შეიძლება სტადიონის გახსნის ცერემონიალის სხვა დროს ჩატარება. და თუ ესეც "შეუძლებელია", მაშინ ერთი მარტივი გადაწყვეტილებით მოგვარდება პრობლემა- უბრალოდ ფინალის თარიღის შეცვლაა საჭირო! დანიშნეთ შეხვედრა თუნდაც 25 მაისს, 19 ან 20 საათზე. "გლადიატორები" ვიტოვებთ იმედს, რომ დავით ყიფიანის სახელობის თასის გათამაშების ფინალი ჩატარდება მაყურებლებისა და მოთამაშეთა აზრის გათვალისწინებით, საზეიმოდ და ღირსეულად!

19 მაისი გრასრუტის საერთაშორისო დღეა. უეფას მასობრივი ფეხბურთის განვითარების ქარტიის წევრი საქართველოს ფეხბურთის ფედერაციაა. ყოველი წლის 19 მაისს ამ პროგრამაში ჩართული  ყველა ნაციონალური ფედერაცია სხვადასხვა მასობრივ ღონისძიებებს მართავს.

საქართველოს U19 ნაკრებმა 8 მაისს პირველი ამხანაგური მატჩი გამართა ბელორუსელ თანატოლებთან და დამაჯერებელი ანგარიშით 0:2 გაიმარჯვა.  ბელორუსელთა კარში გოლები ლაშა ჩაფიძემ  და გიორგი ჩელებაძემ გაიტანეს.

27 მაისს თბილისს ჯოზეფ კლიმენტი ეწვევა.  წელს ეს უეფას ჰეთთრიკის პროექტების მენეჯერის რიგით მეორე ვიზიტია. ჯოზეფ კლიმენტი თებერვლის თვეში უეფას ეროვნული ასოციაციების განყოფილების უფროსთან, პასკალ ტორესთან ერთად იმყოფებოდა საქართველოში.

7 მაისს, 12 საათზე საქართველოს ფეხბურთის ფედერაციის ახლად გარემონტებული შენობა გაიხსნება. ცერემონიალს კულტურის, სპორტისა და ძეგლთა დაცვის მინისტრი ნიკა რურუა, სფფ–ს პრეზიდენტი ზვიად სიჭინავა და გენერალური მდივანი რეზი არველაძე დაესწრებიან.