გერმანული "შალკეს" ახალწვეულმა რაულმა გუნდის შემადგენლობაში "ჰამბურგის" წინააღმდეგ (2:1) ჩატარებულ პირველ მატჩზე ისაუბრა და აღნიშნა, რომ გელზენკირხენში თავს ბედნიერად გრძნობს.
"სიმართლე გითხრათ, ცოტა უცნაური განცდა დამეუფლა, როცა სავსე სტადიონი დავინახე. გულშემატკივარი თბილად შემხვდა, მეც მივხვდი, რომ ძალიან მეგობრულ და წარმატებისთვის მებრძოლ გუნდში მოვედი, ასე რომ თავისუფლად შემიძლია განვაცხადო - მე ბედნიერი ვარ! ერთადერთი რაც ახლა დამრჩა, ფორმის აღდგენაა, როცა ეს საკითხიც მოგვარდება, მთელი გერმანია ნამდვილ რაულს იხილავს", - აცხადებს მადრიდის "რეალის" ლეგენდა.