ლევან, შალკეს ძირითად შემადგენლობაში ოფიციალურ მატჩში პირველი გოლი გაიტანე, რა გრძნობა გაქვს?
უზომოდ გახარებული ვარ, დიდი მადლობა უფალს, რომ ამის ძალა მომცა, იმედია კიდევ არაერთ გოლს გავიტან შალკეს შემადგენლობაში.
სამწუხაროდ ქართველ გულშემატკივარს ამ გოლის ხილვის საშუალება არ მისცემია, მოდი მოკლედ აგვიღწერე, როგორ გაიტანე გოლი?
შუაში მივიღე ბურთი და ორ მცველს გავასწარი, მახვილ კუთხეში დავარტყი და საკმაოდ კარგი გოლიც გამომივიდა.
მართლაც ბრწყინვალე გოლი გამოგსვლია, ეს ერთი და სხვა მრავალი. გელზენკინხერულ კლუბში ლევან კობიაშვილიც თამაშობს, მას რატომ არ მისცა მთავარმა მწვრთნელმა თამაშის საშუალება?
ნამდვილად არ ვიცი რატომ არ მისცა მთავარმა მწვრთნელმა თამაშის საშუალება, რამდენიმე ლიდერს არ უთამაშია. ალბათ ეს იმიტომ, რომ სუსტ გუნდს ვხვდებოდით და ახალგაზრდებს მისცა თავის გამოჩენის საშუალება.
ლევან შენ ამხანაგურ შეხვედრაშიც გაიტანე ორი გოლი და ახლაც შეძელი გოლის გატანა, ამაზე დაფიქრდებოდა ალბათ მაგათი და არაა გამორიცხული ძირითად გუნდში ითამაშო ხშირად...
ამის იმედი, რომ არ მქონდეს ახლა შალკედან წამოსული ვიქნებოდი.
საქართველოს ეროვნულ ნაკრებს მალტასთან 12 აგვისტოს თამაში უწევს, შენ ბოლოხანებია ვერ ხვდებოდი ძირითად შემადგენლობაში, როგორ ფიქრობ ჰექტორ კუპერი მოგცემს შანს რათა გამოიჩინო თავი?
ეს ყველაფერი ტრავმებით იყო გამოწვეული, ვიმედოვნებ, რომ კუპერი მათამაშებს ძირითად შემადგენლობაში.
და ბოლოს, საქართველოს ნაკრებს 5 სექტემბერს ოფიციალური მატჩი უწევს იტალიასთან, ცოტა კი ნაადრევია ამაზე საუბარი, მაგრამ როგორ განწყობაზე ხარ და შესწევს თუ არა ძალა ჩვენს ნაკრებს იტალიის ძლევისა?
ისეთი წინაგრძნობა მაქვს, რომ აუცილებლად მოვუგებთ...
ღმერთმა ქნას ასრულდეს ეგ სიტყვები, წარმატებები ლევან
(0)
ამობეჭდვა
აცნობე მეგობარს
მაღლა
