ლევან ჩემპიონატი ახალი დაწყებული არის და ჯერ–ჯერობით საკმაოდ ნორმალურად ასპარეზობს შალკე ბუნდესლიგაში, როგორ ფიქრობ შესწევს ძალა გენზერხინხერნულ კლუბს მოიგოს ქვეყნის უმაღლესი ჯილდო?
ნამდვილად, საკმაოდ ნორმალურად დავიწყეთ ასპარეზობა, 3 ტურის შემდეგ მესამე ადგილზე ვიმყოფებით შვიდი ქული და ეს საკმაოდ კარგი შედეგია, რადგან პირველ ადგილოსან ლევერკუზენსაც შვიდი ქულა აქვს, ასე რომ თითოეული ფეხბურთელი და ხელმძღვანელობა ყველაფერს გავიღებთ, რომ ბუნდესლიგის თასი ჩვენ დავისაკუთროთ.
ლევან, მოდი შენს თამაშსაც შევეხოთ შალკეში, საკმაოდ ხშირად გიწევს მოედანზე ყოფნა, როგორ ფიქრობ ფელიქს მაგათი ძირითადი ბირთვისთვის გამზადებს?
დიახ, სამივე ტურში მივიღე მონაწილეობა და ალბათ არცთუისე ურიგოთ, მწვრთნელი მენდობა და იმედი მაქვს სულ ცოტა ხანში ძირითად შემადგენლობაში დამაყანებს მწვრთნელი.
რამდენიმე დღის წინ კლაუს ტოპმიულერის ინტერვიუ წავიკითხე სადაც შენს შესახებ საუბრობდა, მან ისიც განაცხადა, რომ ლევან ყენია მსოფლიო დონის ვარსკვლავია, დარწმუნებული ვარ, რომ ეს სიტყვები შენთვის ბევრს ნიშნავს, მაგრამ უარყოფითად ხომ არ იმოქმედებს?
რა თქმა უნდა ასეთი ადამიანისგან ამ სიტყვების მოსმენა ნამდვილად კარგია, თუმცა უარყოფითად ნამდვილად არ იმოქმდებს, მე არ ვთვლი ჩემს თავს ვარსკვლავად, პირიქით ეს ჩემთვის დიდი სტიმული არის და ვეცდები ქართველი გულშემატკივრების იმედი გავამართლო.
ლევან მოდი ჩვენი საუბარი წავიყვანოთ დასასრულისკენ და უახლოეს ერთ კვირაში ნაკრებს მსოფლიოს ჩემპიონ იტალიასთან უწევს თამაში, როგორ აფასებ შანსებს და შესწევს თუ არა ძალა ჩვენს ნაკრებს გაუწიოს ღირსეული წინააღმდეგობა?
ვფიქრობ სტადიონზე მოსული გულშემატკივარი არ ინანებს და ყველაფერს გავიღებთ, რომ ღირსეული წინააღმდეგობა გავუწიოთ იტალიის ნაკრებს. მე და ბიჭები ბრძოლისთვის მზად ვართ.
(0)
ამობეჭდვა
აცნობე მეგობარს
მაღლა
