"რომას" სელექციონერები "არსენალის" ახალგაზრდა უკანა ხაზელის ტომაშ ვერმაელენის გადმობირებით დაინეტერესდნენ. ბელგიელი ვუნდერკინდი მართლაც შესანიშნავ სეზონს ატარებს, მიუხედავად საკუთარი პოზიციისა, მას უამრავი გოლი გააქვს, სწორედ მისი წყალობით მოხდა, რომ პრემიერ–ლიგის ერთ–ერთ ტურში ბომბარდირთა დავაში ვერმალენს მე–2 პოზიცია ეკავა, ეს კი მცველისთვის ნამდვილად დიდი მიღწევაა. გარდა საგოლე ალღოსი, იგი დაცვაშიც დიდებულად ასპარეზობს, ასე რომ ევროპული გრანდების მისდამი დაინტერესება სრულიად გასაგებია.

"ფლამენგოს" ბრაზილიელი თავდამსხმელი აცხადებს, რომ თავისი მთავარი პრობლემა მოგვარდა, ანუ მან დალევას დაანება თავი და მავნე ჩვევაც მოიშორა. ადრიანომ 'ბოთლი' შეყვარებულთან წარუმატებელი რომანის შემდეგ აიღო ხელში და მას შემდეგ დაიწყო მისი პრობლემებიც... რამოდენიმე თვის შემდეგ ბრაზილიელს მამა გარდაეცვალა, ამან ორმაგად იმოქმედა ფეხბურთელზე, იგი დღითი დღე ახალ სკანდალებში ეხვეოდა. გავრცელდა ინფორმაცია, რომ ადრიანომ თავის მოკვლაც კი სცადა, შემდეგ იყო გამოსაჯანმრთელებელი კურსები და ბოლოს ყველაფერი მოგვარდა, ახლა უკვე ადრიანო ევროპაში დასაბრუნებლად ემზადება.

ტურინის "იუვენტუსის" მთავარი მწვრთნელი საკუთარი გუნდის წარმატებაში დარწმუნებულია, მისი თქმით ფეხბურთელები თავკაცის დავალებას სრულფასოვნად ასრულებენ და ახლო მომავალში სერიოზულ წარმატებასაც მიაღწევენ.

ალესანდრო ნესტას ტრავმა ფეხბურთში ძალიან იშვიათია, მან მუხლი მოიტეხა, ეს კი ურთულესი მოსაშუშებელია. ეს ყველაფერი სტეფანო ლოვატიმ იტალიელ მცველთან კონსულტაციის შემდეგ განაცხადა.

ტურინის "იუვენტუსი" სატრასფერო აქტივობებით ნაკლებად გამოირჩევა, მაგრამ დამდეგ ზაფხულს ყველაფერი შეიცვლება. "მოცუხი სენიორას" მესვეურები ფეხბურთელთა შესაძენად 80 მილიონი ევროს დახარჯვას გეგმავენ. "ბიანკონერის" მთავარი სამიზნე გონსალო იგუაინია, რომელიც მართლაც შესანიშნავ სეზონს ატარებს, ტურინელები ფრანკ რიბერის გადმობირებასაც გეგმავენ.

მილანის "ინტერის" სპორტულმა დირექტორმა მარკო ბრანკამ გუშინდელ შეხვედრაზე ისაუბრა, რომელიც მისმა გუნდმა კატანიაში, ადგილობრივი კლუბის წინააღმდეგ გამართა და მეტად მოკრძალებული ანგარიშით 3–1 დამარცხდა.