ედერსონი "მილანში" არ გადავა ოთხშაბათი, 01.20.2010, 05:21pm (GMT+4)
"როსონერი" აქტიურად იყო დაინტერესებული ახალგაზრდა ბრაზილიელის ბედით. თვითონ ფეხბურთელი, კარგი შემოთავაზების შემთხვევაში გუნდის დატოვებაზე თანახმაა, მაგრამ ცივ უარზეა ედერსონის აგენტი ანტონიო კალიენდო. შესაძლოა ედერსონი მომავალ ზაფხულს "მილანურ" კლუბში აღმოჩნდეს, მაგრამ დამდეგი ზამთრის სატრანსფერო სეზონზე ეს გამორიცხულია.
"არანაირი სურვილი არ მაქვს მისი გუნდის დატოვებაზე ვიფიქრო, ყოველ შემთხვევაში ივნისამდე. მისი შეძენა ძალიან ბევრ გრანდს სურს, მაგრამ "ლიონი" მას არავითარ შემთხვევაში არ შეელევა."–განაცხადა კალიენდომ "Tuttomercatoweb.com"-თან ინტერვიუში.
"ზამთარში ყველანაირი მოლაპარაკება დახურულია, აი ზაფხულში კი შესაძლებელია ედერსონმა გუნდი გამოიცვალოს და რომელიმე ევროპულ გრანდში აღმოჩნდეს. თვითონ ფეხბურთელი თანახმაა კლუბი დატოვოს, მაგრამ "ოლიმპიკის" ხელმძღვანელობა ცივ უარზეა. ბრაზილიელი საფრანგეთში თავს ძალიან კარგად გრძნობს და ამ ჰარმონიის დარღვევას "ლიონი" არავის დაანებებს."
ფრანგული გრანდის სპორტული დირექტორი მარინო ფასიოლი აცხადებს, რომ "როსონერისგან" შემოთავაზება ნამდვილად მიიღო, მაგრამ მოლაპარაკებები ჩაიშალა.
"მილანის" არავითარ შემოთავაზებას არ დავთანხმდებით. ეს ტრანსფერი არ შედგება."–განაცხადა ფასიოლიმ.
(0)
ამობეჭდვა
აცნობე მეგობარს
მაღლა
