"მილანის" ვიცე–პრეზიდენტი ადრიანო გალიანი "რომასთან" გასამართ შეხვედრასთან დაკავშირებით ჟურნალისტებს ესაუბრა. მისი განცხადებით, გულშემატკივარს წინ დიდი სანახაობა და უამრავი გატანილი გოლი ელის. შეგახსენებთ, რომ მომავალ უიქენდზე სერია "ა"–ს 27–ე ტურის ცენტრალური მატჩი გაიმართება, ერთმანეთს "როსონერო" და "ჯიალოროსი" დაუპირისპირდებიან.

"ამ შოუს ორი გმირი დააკლდება, ფრანჩესკო ტოტი და ალეშანდრე პატო... უნიჭიერესი ახალგაზრდისა და ვეტერანი იტალიელის გარეშე, ამ დაპირისპირებას თავისი ხიბლი აკლდება, მაგრამ მთავარი ინტრიგა არასდროს კვდება... წინ ძალიან საინტერესო შეხვედრა გველის."

"სტადიონზე ნამდვილი ანშლაგი იქნება, ორივე გუნდი ჩემპიონობისთვის იბრძვის... კლაუდიო რანიერის გუნდი ბრწყინვალე ფორმაშია, მაგრამ არც ლეონარდოს დამოძღვირილი ბიჭები ჩამოუარდებიან რამით მეტოქე გუნდის ფეხბურთელებს..."

"რომაც და მილანიც ულამაზეს ფეხბურთს თამაშობენ, მათი ჯახი ძალიან საინტერესო, სანახაობრივი და შედეგიანი გამოვა."

(0)

ამობეჭდვა

აცნობე მეგობარს

მაღლა

---