"ვოლფსბურგი", "მილანის" უკანა ხაზელს, კახაბერ კალაძეს აკვირდება, ქართველი ლეგიონერი გერმანელი სკაუტების მონიტორინგის ქვეშ საკმაოდ დიდი ხანია რაც იმყოფება. როგორც მოგეხსენებათ, კახას "როსონეროს" მწვრთნელთან ცუდი ურთიერთობა აქვს და შესაბამისად ძირითად შემადგენლობაში მოხვედრაც ძალიან უჭირს, ასე რომ შესაძლოა კალაძე მალე სხვა გუნდში გადაბარგდეს. ქართველის მიმართ დაინტერესებას ყაზანის "რუბინიც" გამოხატავს, რუსები კახაში 8 მილიონი ევროს გადახდას გეგმავენ, ხოლო გერმანელები 10–ის.

როგორც პოპულარული იტალიური სპორტული გამოცემა Corriere Dello Sport აცხადებს, პატოს კიდევ ერთი შეხვედრის გამოტოვება მოუწევს, ბრაზილიელი ამჯერად "კიევოსთან" ვერ ითამაშებს. "მილანის" წამყვანი თავდამსხმელი ტრავმებმა ფაქტიურად გააწამა, მიმდინარე სეზონში მან უკვე ორი მძიმე დაზიანება მოიშუშა, ახლა კი მესამე მათგანს ებრძვის... 21 წლის ფორვარდს მუხლის ტრავმა აწუხებს, როგორც იტალიელი მედიკოსები აცხადებენ იგი კიდევ ერთ კვირას დაისვენებს.

"რომას" წამყვანი ნახევარმცველი სიმონე პეროტა საკუთარი გუნდის საჩემპიონო ამბიციებზე საუბრობს, მისი თქმით რანიერის შეგრიდებს სკუდეტოს მოპოვების რეალური შანსი აქვთ, მაგრამ მათ ამაში ორი უძლიერესი მილანური კლუბი, "ინტერი" და "როსონერო" შეეცილებიან. შეგახსენებთ, რომ სერია "ა"–ს "ნერაძურა" ლიდერობს 58 ქულით, მაურინიოს გუნდს "მილანი" მოჰყვება 54 ქულით, ხოლო საპატიო მესამე პოზიციას "ჯიალოროსი" იკავებს 52 ქულით.

ინგლისური "ფულჰემის" მთავარი მწვრთნელი როი ჰოჯსონი ამბობს, რომ "იუვენტუსთან" 1:3 მარცხის მიუხედავად, მის გუნდს ევროპის ლიგის შემდეგ ეტაპზე გასვლის შანსი არ დაუკარგავს, ამის შესახებ Football Itali იტყობინება.

ლონდონის "ჩელსისა" და კოტ დიუარის ნაკრების თავდამსხმელი დიდიე დროგბა აფრიკის 2009 წლის საუკეთესო ფეხბურთელად დაასახელეს, ამის შესახებ "როიტერი" იტყობინება. 

"ლივერპულის" მთავარი მწვრთნელი რაფაელ ბენიტესი ევროპის ლიგაზე "ლილთან" განცდილი მარცხის მიუხედავად, გუნდის თამაშით კმაყოფილი დარჩა და თვლის, რომ "მერსისაიდელებს" შემდეგ ეტაპზე გასვლის კარგი შანსი აქვს.