“დილამ” “სიონს” სძლია და ლიდერობა მოიპოვა
დღეს, თენგიზ ბურჯანაძის სახელობის ცენტრალურ სტადიონზე გორის “დილამ” ბოლნისის “სიონს” უმასპინძა და მიუხედავად დიდი უპირატესობისა, მეტოქეს მხოლოდ მინიმალური ანგარიშით სძლია.
შეხვედრა ბოლნისელებმა აქტიურად დაიწყეს, თუმცა პირველი მომენტი მე-9 წუთზე მასპინძებმა შემქნეს. კვეკვესკირის მოწოდებული ჯარიმის შემდეგ ბაგაევის დარტყმული ბათიაშვილმა მოიგერია.
მე-15 წუთზე გატანა თექთურმანიძეს შეეძლო, მაგრამ მასპინძლთა ნახევარმცველმა საკმაოდ მახვილი კუთხიდან ბრძოლაში დაარტყა და მიზანს ვერ მიაღწია. მალევე შანსი გორელიშვილი მიეცა, თუმცა მის დარტყმას მცველები გადაეღობნენ და ბურთი კუთხურზე გადავიდა. სტანდარტი „დილამ“ სახიფათოდ გაათამაშა, ჩაწოდების შემდეგ შორეულ კუთხესთან დარჩენილმა ერისთავმა ძლიერად დაარტყა, თუმცა ბათიაშვილი კვლავ დამაჯერებელი იყო.
მასპინძელთა უპირატესობა ძალიან დიდი იყო და „სიონიც“, რამდენიმე კონტრშეტევას თუ არ ჩავთვლით, ფაქტობრივად მხოლოდ საკუთარი კარის უსაფრთხოებაზე ზრუნავდა. მიუხედავად გორელთა ასეთ დომინირებისა შესვენებამდე ანგარიშის გახსნა „დილამ“ ვერ შეძლო და ტაიმიც ფრედ, 0:0 დასრულდა.
„დილამ“ მეორე ნახევარშიც პირველ ნომრად ითამაშა და კარის დალაშქვრის მორიგი შესაძლებლობა 47-ე წუთზე, ისევ ბაგაევმა გაუშვა ხელიდან.
კიდევ ერთხელ სტუმრები მე-60 წუთზე, კვეკვესკირის დარტყმის შემდეგ გადარჩნენ, რომელიც ხარიხამ მოიგერია. ამის შემდეგ „სიონმა“ გამოიღვიძა და რამდენიმე შეტევის განხორციელება სცადა, თუმცა განსაკუთრებული ხიფათის გარეშე და უპირატობას კვლავ გორელები დაეუფლნენ. საბოლოოდ ბოლნისელთა დაცვამ 73-ე წუთამდე გაძლო. საჯარიმოში შეჭრილმა ერისთავმა რამდენიმე მეტოქეს აუარა გვერდი და ანგარიში გახსნა – 1:0.
მე-80 წუთზე გორელიშვილის გარღვევა დარტყმით და გოლით დასრულდა , თუმცა ბურთი ერისთავს მოხვდა, რომელიც თამაშგარეში იყო და შედეგიანი დარტყმაც გაუქმდა.
დარჩენილ წუთებში მოედაზე აღარაფერი შეცვლილა და გორელებმა მორიგი გამარჯვებით სატურნირო ცხრილის პირველი პოზოცია ბათუმის “დინამოსთან” ერთად მოიპოვეს.
დილა 1-0 სიონი
გოლი: ერისთავი 73’
დილა: მიგინეიშვილი, მარიჩი, ქარუზაშვილი, ბაგაევი, სეთურიძე, ფალავანდიშვილი, გვალია, თექთურმანიძე (ახალკაცი 56’) , კვეკვესკირი, ერისთავი (რამაძე 84’) , გორელიშვილი.
მთავარი მწვრთნელი: უჩა სოსიაშვილი
სიონი: ბათიაშვილი, სვანიძე, ჯინჭარაშვილი, მოსემღვდლიშვილი, გიორბელიძე, გაფრინდაშვილი, მიქაბერიძე (ფოფხაძე 64’) , და სილვა (გოგობერიშვილი 55’), ლობჯანიძე, ჭიკაიძე, სიჭინავა (ცხადაია 55’) .
