Fanebi.com-ის საგანგებო განცხადება ანგარიშების გამოსაცნობ კონკურსთან დაკავშირებით
დღეს Fanebi.com-ზე გამოქვეყნდა პოსტი, რომლიდანაც გაუწყებდით, რომ წინა კვირაში მიმდინარე მატჩების ანგარიშების გამოსაცნობ კონკურსში გამარჯვებულ პირებს „ევროპაბეთის“ ანგარიშზე მოგებული თანხები დაერიცხათ. თანხის არდარიცხვის ან რაიმე სახის გაუგებრობის შემთხვევაში, ჩვენთან დაკავშირებაც გთხოვეთ. მალევე მოგვმართა რამდენიმე მომხმარებელმა, რომ მათ კუთვნილი თანხები არ დაერიცხათ. იყო ისეთი წერილიც, რომელშიც ერთ-ერთი გამარჯვებული მომხმარებელი გვწერდა, რომ ანგარიშზე მოგებული 5 ლარის ნაცვლად 10 ლარი დაერიცხა. საბოლოო ჯამში, გავარკვიეთ, რომ დაფიქსირდა შეცდომა. მათ, ვინც „მანჩესტერ იუნაიტედსა“ და „ბაიერნს“ შორის გამართული მატჩის ანგარიში გამოიცნეს, ორჯერ მეტი თანხა დაერიცხათ, ვიდრე კონკურსის ფარგლებში ეკუთვნოდათ. ხოლო მომხმარებლებს, რომლებმაც „პარი სენ-ჟერმენსა“ და „ჩელსის“ შორის გამართული მატჩის საბოლოო ანგარიში გამოიცნეს, თანხა არ დაერიცხათ.
კიდევ ერთხელ გიმეორებთ, რომ შეცდომის მიზეზი ადამიანური ფაქტორი გახდა. ბოდიშს გიხდით ამ ხარვეზისთვის და გაცნობებთ, რომ გამარჯვებულ პირებს კუთვნილი თანხა არ დაეკარგებათ, მათ ხვალ აუცილებლად დაერიცხებათ მოგებული თანხა „ევროპაბეთის“ ანგარიშზე.
