“ფეინოორდი” — “რომა” ოცი წუთით შეწყდა
უეფას ევროპის ლიგის მეთექვსმეტედფინალურ ეტაპზე როტერდამის “ფეინოორდსა” და “რომას” შორის მიმდინარე მატჩი ჰოლანდიელი ფანების საქციელის გამო შეწყდა. არბიტრმა კემან ტურპენმა თამაში გააჩერა და გუნდებს გასახელიდსკენ მიუთითა. შეხვედრა 56-ე წუთზე შეწყდა, როდესაც ანგარიში 0:1 იყო, “რომას” სასარგებლოდ. ქომაგები მოედანზე სხვადასხვა საგნებს ისროდნენ, რის გამოც მანამდეც რამდენჯერმე შეჩერდა შეხვედრა. არბიტრმა 54-ე წუთზე მოედნიდან მასპინძელთა თავდამსხმელი მიტჩელ ტე ვრედეც გააძევა.
მატჩი დაახლოებით 20 წუთის შემდეგ განახლდა. შეხვედრის განახლებიდან რამდენიმე წუთში მასპინძლებმა ანგარიში გაათანაბრეს, გოლი ელვის მანუმ გაიტანა. იმავე წუთში მსაჯმა “ფეინოორდის” სარეზერვო მეკარეც გააძევა. ორიოდ წუთში კი ჟერვინიომ “რომა” კვლავ დააწინაურა. ამ დროისთვის “რომა” 2:1 იგებს. მიმდინარეობს 66-ე წუთი.
