“იტალიის დერბი” “ინტერის” გამარჯვებით დასრულდა (ვიდეო)

იტალიის სერია A-ს მე-4 ტურის ცენტრალური მატჩი მილანის “ჯუზეპე მეაცაზე” გაიმართა, სადაც “ინტერმა” ტურინის “იუვენტუსი” მიიღო. შეხვედრა მილანელთა გამარჯვებით, ანგარიშით 2:1 დასრულდა. სამივე გოლი მატჩის მეორე ნახევარში გავიდა. “ბიანკონერი” 66-ე წუთზე შტეფან ლიხტშტაინერმა დააწინაურა, თუმცა სტუმრებს დიდხანს სიხარული არ დასცალდათ, ვინაიდან ზუსტად ორ წუთში მაურო იკარდიმ თავური დარტყმით წონასწორობა აღადგინა. 78-ე წუთზე შეცვლაზე შესულმა ივან პერიშიჩმა “ინტერი” სულაც დააწინაურა. 90-ე წუთზე მასპინძლები მოედანზე ათი კაცით დარჩნენ. ექვსწუთიან მონაკვეთში ევერ ბანეგამ ორი ყვითელი ბარათი მიიღო და მინდვრის დატოვება ნაადრევად მოუწია. რიცხობრივი უმცირესობის მიუხედავად, “ინტერის” ფეხბურთელებმა კომპენსირებულ დროში უპირატესობის შენარჩუნება შეძლეს და “იუვენტუსს” მიმდინარე სეზონში პირველი მარცხი აგემეს.

“ინტერმა” აქტივში 7 ქულა მოაგროვა და სატურნირო ცხრილში მე-6 ადგილზე გადაინაცვლა. “იუვენტუსი” 9 ქულით მეორე პოზიციაზე გახლავთ.

იტალიის სერია A
IV ტური
“ინტერი” — “იუვენტუსი” 2:1 (2:1)

გოლები: იკარდი 68′, პერიშიჩი 78′ — ლიხტშტაინერი 66′.
გაძევება: ბანეგა 90′.