“იუვენტუსმა” სტუმრად კაცნაკლული “პორტუ” დაამარცხა (ვიდეო)

უეფას ჩემპიონთა ლიგის მერვედფინალურ ეტაპზე “პორტუსა” და ტურინის “იუვენტუსს” შორის პირველი მატჩი გაიმართა, რომელიც იტალიელთა გამარჯვებით, ანგარიშით 2:0 დასრულდა. მასპინძლები მოედანზე 27-ე წუთიდან რიცხობრივ უმცირესობაში იყვნენ, ვინაიდან მატჩის მთავარმა არბიტრმა ალექს ტელესს ორი წუთის განმავლობაში ორი ყვითელი ბარათი უჩვენა და მინდვრდიდან გააძევა. აღსანიშნავია, რომ “ბებერმა სინიორამ” გოლები ასევე ორწუთიან მონაკვეთში გაიტანა და ორივე ბურთი შეცვლაზე შემოსული მოთამაშეების ანგარიშზეა: 72-ე წუთზე იტალიელები მარკო პიაცამ დააწინაურა, რომელმაც “ბიანკონერის” რიგებში სადებიუტო გოლი გაიტანა. ზუსტად ორ წუთში ტურინელთა უპირატესობა დანიელ ალვესმა გაზარდა და საბოლოო ანგარიში დააფიქსირა – 0:2.

წყვილის საპასუხო მატჩი 14 მარტს, ტურინში ჩატარდება.

ჩემპიონთა ლიგა
მერვედფინალი (I მატჩი)
“პორტუ” — “იუვენტუსი” 0:2 (0:0)
გოლები: პიაცა 72′, დანი ალვესი 74′.