“მანჩესტერ სიტიმ” “ტოტენჰემი” აგუეროს პოკერით დაამარცხა
თარიღი: ოქტომბერი 18, 2014
ინგლისის პრემიერლიგის VIII ტურის გახსნითი მატჩი “ეტიჰადზე” შედგა, სადაც “მანჩესტერ სიტიმ” ჩრდილოლონდონური “ტოტენჰემ ჰოთსპური” მიიღო და მეტოქე ანგარიშით 4:1 დაამარცხა. მასპინძელთა მხრიდან პოკერი შეასრულა სერხიო აგუერომ, თუმც ორი ბურთი პენალტის საშუალებით გაიტანა. არგენტინელმა ფეხბურთელმა აღნიშნულ შეხვედრაში სულ 3 თერთმეტმეტრიანი დარტყმა შეასრულა. როგორც მოგახსენეთ, ორი გაიტანა, ერთხელ კი უგო ლორისმა აჯობა. “ტოტენჰემის” რიგებიდან ერთადერთი გოლი დანიელი ნახევარმცველის, კრისტიან ერიქსენის ანგარიშზეა. პენალტი “სიტის” კარის მიმართულებითაც დაინიშნა, თუმცა რობერტო სოლდადოს ჯო ჰარტმა აუღო.
ინგლისის პრემიერლიგის სატურნირო ცხრილის სანახავად გადადით ბმულზე: ცხრილები
მსგავსი სიახლეები