ოქრიაშვილის “კრასნოდარმა” კვირკველიას “ლოკომოტივი” დაამარცხა (ვიდეო)
რუსეთის პრემიერლიგის მე-19 ტურში სოლომონ კვირკველიას “ლოკომოტივმა” მოსკოვში თორნიკე ოქრიაშვილის “კრასნოდარი” მიიღო და ანგარიშით 1:2 დამარცხდა.
კვირკველიამ შეხვედრა სასტარტო შემადგენლობაში დაიწყო და მატჩი სრულად ჩაამთავრა. რაც შეეხება ოქრიაშვილს, იგი მოედანზე 73-ე წუთზე გავიდა, მაგრამ 89-ე წუთზე ტრავმა მიიღო და დარჩენილი დრო მინდვრის მიღმა გაატარა.
ანგარიში 36-ე წუთზე მოსკოველებმა გახსნეს, გოლი ვლადისლავ იგნატიევმა გაიტანა. სტუმრებმა შეხვედრის მეორე ნახევარში ორი უპასუხო ბურთი გაიტანეს: 56-ე წუთზე პაველ მამაევმა ისარგებლა მოსკოველი მცველების უყურადღებობით და წონასწორობა აღადგინა, 64-ე წუთზე კი ვანდერსონმა მასპინძელთა კარში მეორე ბუთი გაიტანა და საბოლოო ანგარიში დააფიქსირა — 1:2.
“ლოკომოტივს” 26 ქულით სატურნირო ცხრილის მე-10 პოზიცია უკავია. “კრასნოდარი” 32 ქულით მეოთხე ადგილზეა.
მომდევნო ტურში საბა კვირკველიას “ლოკომოტივი” ჯანო ანანიძის “სპარტაკს” უმასპინძლებს.
