რა გააკეთა ანჩელოტიმ “რეალისთვის” – იტალიელი სპეციალისტის მონაგარი
მადრიდული კლუბის ხელმძღვანელობამ კარლო ანჩელოტის უტიტულო სეზონი არ აპატია და თანამდებობიდან გაათავისუფლა. თუმცა, იტალიელმა მადრიდისთვის ბევრი სარგებლის მოტანა მოასწრო:
1. კარში კასილიასი დააბრუნა
ჟოზე მოურინიოს დროს “რეალის” უცვლელმა მეკარემ ძირითადის სტატუსი დაკარგა და ადგილი ჯერ ანტონიო ადანს, შემდეგ კი დიეგო ლოპესს დაუთმო. თუმცა, კასილიასისა და მოურინიოს კონფლიქტი რომ არა, ეს ალბათ არც მოხდებოდა.
მადრიდში ჩასული კარლო ანჩელოტიც თავიდან იკერს არ ენდობოდა. 2013/14 წლების სეზონი კასილიასმა სათასო მეკარის როლში ჩაატარა. თუმცა, ჩემპიონთა ლიგაში ჩადენილმა გმირობებმა იკერი პირველი ნომრის პოზიციაზე დააბრუნა. მართალია, მიმდინარე სეზონში კაპიტანს ბევრი შეცდომა ჰქონდა, მაგრამ ანჩელოტი მას ბოლომდე ენდობოდა.
2. რონალდუს საუკეთესოს სტატუსი დაუბრუნა
რონალდუმ საკუთარ თავზე ბევრი იმუშავა და მისი პროგრესი რა თქმა უნდა სწორედ ამის დამსახურებაა, თუმცა ისიც აღსანიშნავია ანჩელოტი საკუთარ შეგირდს ასეთი შედეგების მიღწევაში ძალიან დაეხმარა.
ძლიერი შემტევი ტრიოს, ბენზემა-ბეილი-რონალდუს შექმნა, სადაც პორტუგალიელს სრული თავისუფლება ჰქონდა მინიჭებული, სწორედ იტალიელის იდეა იყო. მისი კარგი ტაქტიკა გახდა კრიშტიანუს საოცარი შედეგიანობის მთავარი მიზეზი.
3. მოიპოვა გულშემატკივრების პატივისცემა
“რეალის” გულშემატკივრების გაღიზიანება ძალიან მარტივია. ისინი ერთი შეცდომის გამო გუნდის ლეგენდასაც კი დაუსტვენენ ტრიბუნებიდან. თუმცა, კარლო ანჩელოტის მადიდელი ფანები ყოველთვის განსაკუთრებულად აფასებდნენ, რაც დიდწილად გასულ სეზონში მოპოვებულ დესიმას უკავშირდება. ცოტა ხნის წინ ესპანური პრესის მიერ ჩატარებულ გამოკითხვაში მადრიდული პუბლიკის 63 პროცენტი ანჩელოტის დარჩენას ითხოვდა.
ანჩელოტიმ ფეხბურთელების სიყვარულიც დაიმსახურა. მოთამაშეთა ნაწილი კლუბის პრეზიდენტს კარლოს დატოვებას სთხოვდა, თუმცა პერესის დარწმუნება ვერ მოხერხდა.
4. გუნდის თამაშილუკა მოდრიჩის ირგლივ ააწყო
ანჩელოტის მშვენივრად ესმოდა, რომ ლუკა მოდრიჩის გამოყენება გაცილებით პროდუქტიულად იყო შესაძლებელი და საბოლოოდ ეს გამოუვიდა კიდეც. მადრიდული კლუბის უმნიშვნელოვანეს მოთამაშედ სწორედ ხორვატი ჩამოყალიბდა და არა კრიშტიანუ რონალდუ, რასასც “იუვენტუსთან” წაგებული ნახევრფინალური დაპირისპირებაც ადასტურებს.
მოდრიჩის როლი გასული ორი სეზონის ფორმაციის “რეალში” ძალიან დიდი იყო. ნახევარმცველი შეტევებს შესანიშნავად იწყებდა და რონალდუსა და კომპანიას გადაცემებით ამარაგებდა. გარდა ამისა მოდრიჩი საკუთარი კარის დაცვის დროსაც ძალიან პროდუქტიულია და თანამედროვე ფეხბურთში ერთ-ერთი საუკეთესო box-to-box ტიპის ნახევარმცველია.
5. გუნდს საინტერესო იდეებით ამარაგებდა
ანჩელოტი ექსპერიმენტებს სეზონის გადამწყვეტ, ყველაზე საპასუხისმგებლო მომენტებშიც კი მიმართავდა. გამორჩეული ტრიოს, ВВС-ის შექმნის გარდა სერხიო რამოსის ნახევარდაცვაშიც გადაწევაც კარლოს ინიციატივა იყო.
თუმცა, უკანასკნელ სეზონში მისი იდეებს შედეგები აღარ მოჰქონდა. ნახევარდაცვაში რამოსის ჩაგდებული უმნიშვნელოვანესი მატჩი ალბათ ყველას ახსოვს, ВВС-დან ერთი В-ს, გარეტ ბეილის ცუდმა ფორმამ კი გუნდის შემტევ პოტენციალზეც იმოქმედა.
6. მოიგო ესპანეთის თასი
გასულ სეზონში “რეალმა” დესიმასთან ერთად ესპანეთის თასიც მოიპოვა. მადრიდელთა გულშემატკივრებს “ბარსელონასთან” შეხვედრაში გარეტ ბეილის შესანიშნავი სპრინტი კიდევ დიდხანს არ დაავიწყდებათ. ამ გამარჯვების გამო იტალიელი მადრიდს თავაწეული ტოვებს.
7. დესიმა
ჩემპიონთა ლიგაში “რეალისთვის” მეათე გამარჯვების მოპოვებას უამრავი მწვრთნელი ცდილობდა, თუმცა ამის გაკეთება მხოლოდ კარლო ანჩელოტიმ შეძლო.
იტალიელმა დაცვის და შეტევის შესანიშნავი სინთეზი შექმნა, კრიშტიანუ რონალდუს გადამწყვეტ ეტაპში მოამატებინა და ბუნდესლიგის გრანდებისგან ქვა ქვაზე არ დატოვა. ფინალურ შეხვედრაში “სამეფო კლუბი” “ატლეტიკოთან” მარცხს ძირითადი დროის ბოლო წუთზე გადაურჩა და მეტოქეს ოვერტაიმში დამაჯერებლად სძლია.
მადრიდელ გულემატკივრებს ანჩელოტი როგორც დესიმას ავტორი ყოველთვის ემახსოვრებათ.
