რეალმა ბარსელონას სძლია
პრიმერა დივიზიონის მეცხრე ტურის ცენტრალურ შეხვედრაში მადრიდის “რეალმა” “სანტიაგო ბერნაბეუზე” “ბარსელონას” უმასპინძლა და მეტოქე დამაჯერებლად დაამარცხა.
თამაში კატალონიელთა სწრაფი გოლით დაიწყო. მე-4 წუთზე სუარესის გადაცემით ანგარიში ნეიმარმა გახსნა. გაშვებული გოლის შემდეგ უპირატესობას “რეალი” დაეუფლა და 30-ე წუთზე რონალდუს ზუსტი პენალტით წონასწორობაც აღდგა.
სწრაფი გოლი მეორე ნახევრის დებიუტშიც გავიდა. 50-ე წუთზე კროოსის მოწოდებული კუთხურის შემდეგ მეტოქის საჯარიმოში ყველას პეპემ დაასწრო და მადრიდელები დააწინაურა. სულ რაღაც 11 წუთში კი მადრიდელებმა მესამეც გაიტანეს. მასპინლების სწრაფი კონტრშეტევა გოლით კარიმ ბენზემამ დააგვირგვინა და საბოლოო ანგარიშიც დააფიქსირა – 3:1.
კლასიკოში მოპოვებული გამარჯვების შემდეგ, “რეალის” აქტივში 21 ქულაა. მადრიდელებმა უშუალო კონკურენტთან ჩამორჩენა მინიმუმამდე შეამცირეს.
