სანაკრებო თამაშების ბილეთები ორშაბათიდან გაიყიდება

ორშაბათიდან, 23 მარტიდან, იწყება ბილეთების გაყიდვა საქართველო – მალტის ამხანაგურ და საქართველო – გერმანიის ოფიციალურ მატჩებზე.

საქართველოსა და მალტის ეროვნული ნაკრებების ამხანაგურ მატჩზე დასასწრები ბილეთები გაიყიდება „მიხეილ მესხის“ სტადიონის სალაროებში, ყოველდღე 11:00-დან 18:00 საათამდე. ბილეთის ფასი – 5 ლარი.

საქართველოსა და მალტის ეროვნული ნაკრებების ამხანაგური მატჩი გაიმართება 25 მარტს, 21:00 საათზე, „მიხეილ მესხის“ სახელობის სტადიონზე.

ევროპის ჩემპიონატის საკვალიფიკაციო ეტაპის მატჩზე საქართველოსა და გერმანიის ეროვნულ ნაკრებებს შორის დასასწრები ბილეთები გაიყიდება ბორის პაიჭაძის სახელობის „დინამო არენას“ სალაროებში, ყოველდღე 11:00-დან 18:00 საათამდე. ბილეთის ფასი – 10,15, 20 და 30 ლარი.

საქართველოსა და გერმანიის მატჩზე დასასწრები ბილეთები, ასევე, ორშაბათიდან გაიყიდება ონლაინ რეჟიმში.ბილეთების ონლაინ შეძენას შეძლებთ სფფ-ის ოფიციალური ვებ-გვერდიდან – www.gff.ge.

აქვე, გვინდა გაცნობოთ, რომ საქართველოსა და გერმანიის მატჩზე დასასწრები ბილეთების შეძენისას იმოქმედებს საგანგებო ლიმიტები. ერთი ფიზიკური პირი შეძლებს მხოლოდ 15 ბილეთის შეძენას.

საქართველოსა და გერმანიის ეროვნული ნაკრებების ევროპის ჩემპიონატის საკვალიფიკაციო ეტაპის მატჩი გაიმართება 29 მარტს, 20:00 საათზე, “დინამო არენაზე”.

ბილეთების შესახებ დაწვრილებით ინფორმაციას უშუალოდ სალაროებთან გაეცნობით.

გისურვებთ წარმატებებს და გელოდებით სტადიონზე!

სფფ-ის პრესსამსახური