შვიდგოლიან თრილერში “ლივერპულმა” “მანჩესტერ სიტის” ოცნებები დაამსხვრია (ვიდეო)
პრემიერ ლიგის 23-ე ტურის ცენტრალურმა დაპირისპირებამ გაცემული ავანსები სრულად გაამართლა. “ლივერპულმა” საკუთარ მოედანზე პეპ გვარდიოლას “მანჩესტერ სიტი” მიიღო და საკმაოდ დამაჯერებლადაც ითამაშა ჩემპიონობის მთავარი კანდიდატის წინააღმდეგ.
როგორც უკვე აღვნიშნეთ, მატჩი ძალიან სანახაობრივი გამოდგა. ანგარიში ოქსლეიდ-ჩემბერლინმა, შეხვედრის მე-9 წუთზე გახსნა შორეული დარტყმით, რასაც ლეროი სანემ მე-40 წუთზე უპასუხა.პირველ ტაიმში მეტი გოლი არ გასულა.
მეორე ნახევარი მასპინძელთა სრული უპირატესობით დაიწყო. ფირმინომ “წითლები” 59-ე წუთზე გაიყვანა წინ, ორ წუთში მანემ ანგარიშში სხვაობა ორამდე გაზარდა, ფირმინომ – სამამდე (67′). ბერნარდო სილვამ 84-ე წუთზე შეძლო კარიუსის კარის აღება. შეხვედრის მიწურულს, გიუნდოგანმა კიდევ ერთი გოლი გაქვითა (91′) თუმცა ამაოდ – 4-3.
ასე რომ, “მანჩესტერელთა” ოცდაათმატჩიან წაუგებელ სერიას ბოლო მოეღო და მათი “ოქროს სეზონის” ოცნებებიც დაიმსხვრა. მიუხედავად ამისა “ქალაქელთა” უპირატესობა 15 ქულას შეადგენს და ისინი ჩემპიონატის მოგების უმთავრეს ფავორიტად რჩებიან.
“ლივერპული”: კარიუსი; რობერტსონი, ლოვრენი, მატიპი, გომესი; ვეინალდუმი, ემრე ჯანი 80′; მანე, სალაჰი, ოქსლეიდ-ჩემბერლენი; რობერტო ფირმინო
მთავარი მწვრთნელი: იურგენ კლოპი
“მანჩესტერ სიტი”: ედერსონი; უოკერი, სტოუნზი, ოტამენდი, დელფი (დანილო),დე ბრუინი, ფერნანდინიო, გიუნდოგანი; სტერლინგი (სილვა 71′), აგუერო, სანე
მთავარი მწვრთნელი: პეპ გვარდიოლა
