თუ 20 მილიონს დაამატებენ – “ნაპოლი” ხვიჩა კვარაცხელიას ყიდის?
პრაქტიკულად შეგუებულები ვიყავით, რომ ხვიჩა კვარაცხელია ამ ზაფხულს “ნაპოლის” არ დატოვებდა და ზოგადად, მხოლოდ რამდენიმე გუნდი თუ შეძლებდა მასში ისეთი დიდი თანხის გაღებას, რომელსაც “ნაპოლი” მოითხოვდა.
ბაზარზე “ნიუკასლი” გამოჩნდა, რომელსაც საუდის არაბეთის საინვესტიციო ფონდი ფლობს და მათთვის ფული ყველაზე ნაკლები პრობლემაა. თავდაპირველი, 80 მილიონიანი შეთავაზება უკვე 20 მილიონით გაზარდეს. “ნიუკასლი” დღეს კვარას სანაცვლოდ 100 მილიონ ევროს იხდის.
მაშინ, როცა “ნაპოლიმ” ის გასულ წელს 10 მილიონად იყიდა, ახლა შანსი აქვს 10-ჯერ უფრო ძვირად გაყიდოს. იტალიური პრესის ცნობით, დე ლაურენტისი ამაზე უკვე სერიოზულად დაფიქრდა და თუ “კაჭკაჭები” კიდევ 20 მილიონით გაზრდიან წინადადებას, ყველაფერი ძალიან სერიოზულ ფაზაში გადავა.
რადიკალურად განსხვავებული სიტუაციაა ვიქტორ ოსიმენის შემთხვევაში, რადგან ლაურენტისმა ვიქტორი 75 მილიონად შეიძინა და მაქსიმუმ, 150 მილიონი მიიღოს. ხოლო, ხვიჩას ტრანსფერში მხოლოდ და მხოლოდ, 10 მილიონია გადახდილი.
