კვარას 1.5 მილიონი ევრო არ აკმაყოფილებს – ის, რასაც დიდი ხანი ველოდით!

იტალიური მედიის ინფორმაციით, მას შემდეგ, რაც “ნაპოლიმ” ვიქტორ ოსიმენს 8 მილიონზე მეტი შესთავაზა კონტრაქტის გახანგრძლივების სანაცვლოდ, ხვიჩა კვარაცხელია ხელფასის მხოლოდ 1 მილიონით გაზრდაზე აღარ თანხმდება.

ახლა კვარას წლიური გასამრჯელო 1.5 მილიონი ევროა. თავიდან საუბარი 2.5 მილიონ ევროზე იყო, შემდეგ 3.5 მილიონ ევროზე. ქართველის აგენტებმა კი სულ მცირე 5 მილიონი მოითხოვეს.

“ნაპოლის” პრეზიდენტმა დე ლაურენტისმა ზაფხულის სატრანსფერო ფანჯრის დასრულებამდე მოცდა ითხოვა, რადგან იცის, რომ კვარაცხელიას მიმართ ინტერესს გრანდები ითხოვენ, რომლებიც მზად არიან ფეხბურთელს წელიწადში 8-10 მილიონი შესთავაზონ.

თუ მხარეებმა შეთანხმება ვერ მოახერხეს და წლიური ხელფასი კვლავ 1.5 მილიონი ევრო დარჩა, ეს ხვიჩას ბოლო სეზონი იქნება “ნაპოლის” შემადგენლობაში.