10 მთავარი ფაქტი ხუან მატას შესახებ
ბოლო დროის ერთ-ერთი მთავარი სიახლე ხუან მატას ტრანსფერი იყო. ამიერიდან ესპანელი “მანჩესტერ იუნაიტედის” ღირსებას დაიცავთ. გთავაზობთ 10 საინტერესო ფაქტს მანჩესტერული კლუბის ყველაზე ძვირადღირებული მოთამაშის შესახებ.
ხუან მეორე
ხუან მატამ სახელი მამისგან მიიღო, რომელიც ასევე ფეხბურთელი იყო. ხუან მანუელ მატა როდრიგესი 80-90-იან წლებში “ოვიედოს” და “ბურგოსის” ღირსებას იცავდა. აღსანიშანვია, რომ მატა უფროსი თავისი შვილის აგენტი გახდა და ამისთვის ფიფას ლიცენზიაც კი აიღო.
ნეგრედოს მეზობელი
15 წლის ასაკში მატა “რეალის” აკადემიაში მიიწვიეს და ფეხბურთელიც მადრიდში გადავიდა, სადაც ყველა ასაკობრივი გუნდის გავლის შემდეგ “რეალის” მეორე გუნდს შეუერთდა. იმ დროს “რეალი” ახალგაზრდული მატა-ნეგრედოს დუეტით უტევდა. აღსანიშნავია, რომ ფეხბურთელები ახლაც მეზობლად არიან, თუმცა არა მადრიდში, არამედ უკვე მანჩესტერში.
ტრავმების გარეშე
“რეალს” მატას გაშვება არ სურდა, თუმცა არც კონტრაქტის გაფორმებას ჩქარობდა. საბოლოო ჯამში მატა “ვალენსიაში” აღმოჩნდა. ახალგაზრდულ ასაკში, ფეხბურთლს ხშირი ტრავმები აწუხებდა. მამის რჩევით, მან სპეციალური სპორტული დაზღვევა შეიძინა, რომელიც მატას ტრავმის შემთხვევაში ყველანაირ ხარჯს დაუფარავდა. თუმცა, პროფესიონალურ კარიერში ესპანელ ნახევარმცველს სერიოზული ტრავმები არ მიუღია, რაც “მანჩესტერში” გადასვლის ერთ-ერთი მთავარი წინაპირობა იყო. მოიესის გუნდი მიმდინარე სეზონში ლიდერების ტრავმებმა გააწამა.
მადლობა კუმანს
“ვალენსიას” სასტარტო შემადგენლობაში მატას გზა ვისენტეს ტრავმამ და “ღამურების” იმდროინდელი მწვრთნელის, კუმანის ანგულოსადმი აშკარა ანტიპატიამ გაუხსენ. თუმცა, საუკეთესო პერიოდი ნახევარმცველს უნაი ემერის დროს ჰქონდა. მიუხედავად პირადი წარამტებისა, “ვალენსიასთან” ერთად მატამ მხოლოდ ესპანეთის თასის მოგება შესძლო.
დელ ბოსკეს თვალწინ
“რეალში” მოხვედრიშ შემდეგ მატა ესპანეთის ასაკობრივი ნაკრებების მუდმივი წევრი იყო. 19-წლამდელებთან ერთად კი ევროპის ჩემპიონიც გახდა. ასე რომ, ესპანეთის მთავარი ნაკრების მწვრთნელმა ვისენტე დელ ბოსკემ მატა კარგად შეისწავლა და მას დებიუტის საშუალება 20 წლის ასაკში მისცა.
მსოფლიოსა და ევროპის ჩემპიონი
პირველი დიდი ტურნირი მატას კარიერაში 2009 წლის კონფედერაციათა თასი იყო, რომელზეც მატა ყველაზე ახალგაზრდა მოთამაშე გახლდათ. სწორედ ამ ტურნირზე მოიპოვა ფეხბურთელმა პირველი ტიტული ნაკრბის შემადგენლობაში. ერთი წლის შემდეგ კი, მატა მსოფლიოს ჩემპიონიც გახდა, სულ რაღაც 22 წლის ასაკში. თუმცა, მუნდიალზე მატამ მინიმალური დრო გაატარ და ჰონდურასთან შეცვლაზე თამაშით შემოიფარგლა.
აი ევროპის 2012 წლის ჩემპიონატზე კი ნახევარმცველი უკვე გუნდის ერთ-ერთი წამყვანი მოთამაშე იყო და ფინალურ შეხვედრაში იტალიელების კარიც დალაშქრა.
ამ ორ ტურნირს შორის მატა ევროპის ახალგაზრდული ჩემპიონატის საუკეთესო მოთამაშედ აღიარეს.
წარუმატებელი ოლიმპიადა
მატას ერთადერთი წარუმატებელი საერთაშორისო გამოცდილება ლონდონის ოლიმპიური თამაშებია. ესპანეთის ნაკრებმა ჯგუფური ეტაპის გადალახვაც კი ვერ შესძლო.
მეგობარი ტორესი
მიუხედავად ასაკში სხვაობისა, მატას ერთ-ერთი უახლოესი მეგობარი ფერნანდო ტორესია. ფეხბურთელები ჯერ კიდევ ნაკრებში დამეგობრდნენ. სწორედ ფერნანდოს რჩევით გადავიდა მატა ლონდონის “ჩელსიში”.
ბედნიერი ათიანი
მატა საყვარელო ნომერი ყველთვის ათი იყო, რომელიც მის პოზიციასაც შეესაბამება. “ჩელსიში” გადასვლის დროს, ლონდონურ გუნდში ეს ნომერი იოსი ბენაიუნს ჰქონდა, თუმცა იზრაელის ნაკრების კაპიტანმა სიამოვნებით დაუთმო ესპანელს სასურველი ათიანი. “მატასთვის ეს საყვარელი ნომერია, ჩემთვის კი ათიანი არანაირ სიმბოლურ დატირთვას არ ატარებს” – განაცხადა მაშინ ბენაიუნმა. “მანჩესტერში” ათი ნომრით უეინ რუნი თამაშობს, მატამ კი 8-ნომრიანი მაისურით ითამაშებს.
“ჩელსის” გულშემატკივართა საყვარელი მოთამაშე
მიუხედავად იმისა, რომ მატას ლონდონური კარიერა დიდხანს არ გაგრძელდა და ის არასტაბილურ პერიოდს დაემთხვა, ესპანელმა მაინც შესძლო გულშემატკივართა გულის მოგება. ევროპის ლიგის და ინგლისის თასის მოგებას “ჩელსის” ფანები მატას კარგ თამაშ უკავშირებენ.
გულშემატკივრებმა მატა ორჯერ აღიარეს საუკეთესო მოთამაშედ.
“არისტოკრატების” მთავარი მწვრთნელის პოსტზე მოურინიოს დაბრუნების შემდეგ, მატამ ნდობა დაკარგა და ესპანელიც “მანჩესტერში” გადაბარგდა. ტრანსფერი 44,5 მილიონი ევრო დაჯდა, რაც მანჩესტერული გრანდის ისტორიაში სარეკორდო თანხას წარმოადგენს.
