2014/2015 წლის სეზონის 5 საუკეთესო სოლო-გოლი
Fanebi.Com შემოგთავაზებთ გასული სეზონის 5 საუკეთესო სოლო-გოლს.
1. ლეო მესის გოლი “ბილბაოს ატლეტიკთან”. არგენტინელს ყოველთვის სჩვევია ასეთი გენიალური მოძრაობების შემდეგ გოლის გატანა და არც ეს სეზონი დატოვა შედევრის გარეშე. 27 წლის ვარსკვლავის სოლო-გოლი გასული სეზონის საუკეთესოა.
2. 31 წლის ვეტერანმა მისი თანამემამულის მსგავსად ნამდვილი შედევრი შექმნა. შეიძლება ითქვას, რომ კარლოსს მის კარიერაში ერთ-ერთი საუკეთესო სეზონი ჰქონდა, საუკეთესო გოლებითურთ.
3. შეიძლება ითქვას, რომ ბერძენ მცველს “რომაში” საკმაოდ ნაყოფიერი სადებიუტი სეზონი ჰქონდა. მართალია, უტიტულო, თუმცა მან მოახერხა გუნდის სასტარტო თერთმეტეულში ადგილის დამკვიდრება. ყველაზე დასამახსოვრებელი ეპიზოდი მისი რომაული კარიერიდან კი იყო გოლი მილანის “ინტერის” კარში. 30 წლის ცენტრალურმა უკანახაზელმა გაიარა ნახევარი სტადიონი და უძლიერესი დარტყმით აიღო ჰანდანოვიჩის კარი.
4. ფერნანდო ტორესს “ატლეტიკოში” განსაკუთრებულად დახვდნენ გუნდის გულშემატკივრები. “ვისენტე კალდერონზე” იანვარში “უძღები შვილის” დაბრუნება მოხდა. მართალია, ამ დროში მან ვერ გაიტანა ბევრი გოლი, მაგრამ საწყისს წუთებში დალაშქრა მადრიდის “რეალისა” და “ბარსელონას” კარებები. ყველაზე ლამაზი გოლი კი “ვილიარეალის” წინააღმდეგ გამოუვიდა, რომელიც ბევრს ტორესის გოლს “მანჩესტერის” წინააღმდეგ გაგახსენებთ.
5. ლუიშ ნანი სეზონის დაწყებამდე იჯარით პორტუგალიაში დაბრუნდა. იგი იქაურ გულშემატკივარს განსაკუთრებით უყვარს. 28 წლის შემტევი ბევრი ვერაფრით დაეხმარა მის მშობლიურ გუნდს, მაგრამ ჩემპიონთა ლიგაზე, “მარიბორის” წინააღმდეგ ნამდვილი შედევრი შექმნა.
