21-წლამდელებმა გამარჯვებით დაიწყეს
პოლონეთში 2017 წელს გასამართი 21 წლამდელთა ევროპის ჩემპიონატის საკვალიფიკაციო ეტპი საქართველოს ახალგაზრდულმა ნაკრებმა გმაარჯვებით დაიწყო.
ალექსანდრე ჩივაძის შეგირდებმა პირველი ტურის შეხვედრა სტუმრად სან მარინოს ნაკრებთან გამართეს და დამაჯერებელი გამარჯვება, ანგარიშით 3:0 მოიპოვეს.
ქართველები უდიდეს ტერიტორიულ და სათამაშო უპირატესობას ფლობდნენ, რაზეც თუნდაც ბურთის ფლობის პროცენიც მეტყველებს – 83/17-ზე საქართველოს ნაკრების სასარგებლოდ.
უპირატესობა ტაბლოზე პირველი ტაიმის ბოლოს აისახა, როდესაც ნიკა კაჭარავამ ანგარიშის გახსნა შეძლო. “ცხინვალის” საუკეთესო ბომბარდირმა 58-ე წუთზე ქართველთა უპირატესობა ორამდე ულამაზესი გოლით გაზარდა. საბოლოო ანგარიში კი 81-ე წუთზე გიორგი პაპუნაშვილმა დააფიქსირა, როემლამც კაკაბაძის სოლო რეიდის შემდეგ ბურთი ცარიელ კარში გადაგზავნა.
საკვალიფიკაციო ეტაპის მომდევნო შეხვედრას ქართველი 21-წლამდელები 3 სექტემბერს, ხორვატიაში გამართავენ.
სან მარინო 0-3 საქართველო
გოლები: კაჭარავა 44′ ; 58′ ; პაპუნაშვილი 81′
სან მარინო: ბენედეტინი, ჩეზარინი (დადარიო 76′), გრანდონი, როსი, გოლინუჩი (კეჩაროლი 62′), ბატისტინი, ჩენსონი, პროლი, მურაჩინი (ბატისტინი 61′), ბერნარდი, ტომაზინი
მთავარი მწვრთნელი: მირკო პაპინი
საქართველო: ქურდაძე, კაკაბაძე, დვალი, გადრანი, აბურჯანია, ცინცაძე, პაპუნაშვილი, კიკაბიძე (ერისთავი 66′), უბილავა, ლობჟანიძე (შენგელია 89′), კაჭარავა (დარციმელია 87′)
მთავარი მწვრთნელი: ალექსანდრე ჩივაძე
