25-27 აპრილს ლიცენზირების კომიტეტი კლუბების განაცხადებს განიხილავს

საქართველოს ფეხბურთის ფედერაციის საკლუბო ლიცენზირების განყოფილებასთან არსებულმა სალიცენზიო კომისიამ დაასრულა ეროვნული ჩემპიონატის უმაღლესი ლიგის 12 და პირველი ლიგის 5 კლუბის მიერ წარმოდგენილი დოკუმენტაციის შესწავლა.

შეგახსენებთ, რომ საფეხბურთო კლუბებს ყველა სავალდებულო დოკუმენტაციის წარმოდგენის ვადა 3 აპრილს ამოეწურათ.

25-27 აპრილს  ლიცენზირების კომიტეტი განიხილავს კლუბების განაცხადებს და მიიღებს შესაბამის გადაწყვეტილებას 2014-2015 წლების საფეხბურთო სეზონზე უეფას და ეროვნული ლიცენზიების გაცემის შესახებ.

კლუბები შემდეგი გრაფიკით გაივლიან სალიცენზიო კომიტეტს:

25 აპრილი

11:15სთ „დინამო თბილისი“, „ზესტაფონი“, „სიონი“

13:45სთ „მეტალურგი“, „ჩიხურა“, „გურია“

15:45სთ „შუქურა“, „გაგრა“, „დინამო“ ბ.

26 აპრილი

11:15სთ „ვიტ ჯორჯია“, „ტორპედო“, „დილა“

13:45სთ „სპარტაკი“, „ზუგდიდი“, „მერანი“

15:45სთ „სამტრედია“, „კოლხეთი 1913“

ამასთანავე წარმოგიდგენთ სალიცენზიო კლუბების სრულ სიას მათი დამფინანსებლების მითითებით:

1. გურია „ლანჩხუთი“ – ლანჩხუთის მუნიციპალიტეტი
2. ქობულეთის „შუქურა“ – ქობულეთის მუნიციპალიტეტი, შპს „კრისტალი“;
3. ბოლნისის „სიონი“ – ბოლნისის მუნიციპალიტეტი
4. გორის „დილა“ – გორის მუნიციპალიტეტი
5. ზუგდიდის „ზუგდიდი“ – ზუგდიდის მუნიციპალიტეტი
6. რუსთავის „მეტალურგი“ – რუსთავის მეტალურგიული ქარხანა
7. სამტრედიის „სამტედია“ – არ წარმოუდგენია დოკუმენტაცია დაფინანსების შესახებ;
8. მარტვილის „მერანი“ – ფრიდონ ინჯია
9. გაგრის „გაგრა“ – ბესიკ ჩიხრაძე
10. „ვიტ ჯორჯია“ – გურამ რუხაძე
11. ზესტაფონის „ზესტაფონი“ – ილია კოკაია
12. თბილისის „დინამო“ – შპს რუსთავის აზოტი
13. ფოთის „კოლხეთი“ – ლიბერთი ბანკი
14. ქუთაისის „ტორპედო“ – გაურკვეველია კლუბის დამფინანსებლის ვინაობა;
15. ცხინვალის „სპარტაკი“ – სამხრეთ ოსეთის ადმინისტრაცია
16. საჩხერის „ჩიხურა“ – სპორტისა და ახალგაზრდობის სამინისტრო
17. ბათუმის „დინამო“  – ბათუმის მერია

სფფ-ის პრესსამსახური