25-ე ტური „ლოკომოტივისა“ და „მერანის“ ფრით დაიწყო

საქართველოს უმაღლესი ლიგის მიმდინარე სეზონის 25-ე ტური თბილისში, მიხეილ მესხის სახელობის სტადიონზე დაიწყო, სადაც „ლოკომოტივმა“ მარტვილის „მერანს“ უმაპინძლა. შეხვედრა, ფრედ, 1:1 დასრულდა.

მე-13 წუთზე მასპინძლები დავით უბილავას გოლით დაწინაურდნენ. შეხვედრის ძირითადი დროის დასრულებამდე 5 წუთით ადრე თავისი გუნდი წაგებას ნიკოლოზ საბანაძემ გადაარჩინა.

25 ტურის შემდეგ „ლოკომოტივი“ 23 ქულით მე-12 ადგილზე იმყოფება, „მერანი“ კი 18 ქულით მე-14 პოზიციაზეა.

„ლოკომოტივი“ – „მერანი“ 1:1
გოლები: უბილავა 13′ – საბანაძე 85′
გაფრთხილებები: ქიქავა 57′ – ჯიქია 42′, ციმაკურიძე 64′

25-ე ტური ხვალ ორი მატჩით გაგრძელდება. 16:00 საათზე „ჩიხურა“ თბილისის „დინამოს“ შეხვდება, პარალელურად კი „სიონი“ ბათუმის „დინამოს“ უმასპინძლებს.