5 ქართველი ლეგიონერი, რომლებიც “დინამოს” ევროტურნირზე გაიყვანენ!
თბილისის “დინამომ” სეზონის დასრულების შემდეგ კახა ცხადაძესთან და ალექსანდრე რეხვიაშვილთან ერთად დიდი ცვლილებების შესახებ გამოაცხადა და საჭიროა, გუნდი მნიშვნელოვნად გაძლიერდეს, რათა ბათუმის “დინამოსთან” კონკურენცია შეძლოს.
ევროპაში 4 ყოფილი “დინამოელი” მოიძებნება, რომლებსაც სათამაშო დრო პრაქტიკულად არ აქვთ და ამ დროს, თბილისურ კლუბს ძალიან გამოადგებოდა. პლუს 1 ყოფილი “ლოკოელიც”.
მთავარი ვარსკვლავი გიორგი ჩაკვეტაძეა, რომელიც ბელგიურ “გენტში” ბოლო 3 მატჩია განაცხადშიც ვერ ხვდება, ვარჯიშებზე მოტივაცია აქვს დაკარგული და აშკარად სერიოზულ კრიზისშია. ჩაკვეს დროებით დაბრუნების შემთხვევაში, ორივე მხარე აუცილებლად მოიგებდა.
“დინამოს” ყოფილი კაპიტანი ნიკა ნინუა “პაოკში” გადავიდა, თუმცა სათამაშო დრო ვერ მიიღო, შემდეგ “ანორთოსისში” წავიდა, სადაც, ასევე, უქმად იყო და ახლა კვლავ “პაოკში” დაბრუნდა. ნაკლებად სავარაუდოა, ნიკას თავის გამოჩენის საშუალება მიეცეს. ცხადაძე ბევრ ნახევარმცველს უშვებს და ნინუა მათ სათანადოდ შეცვლიდა.
გიორგი პაპუნაშვილი აკადემიის აღზრდილია და საფეხბურთო სამყარომ სწორედ “დინამოდან” გაიცნო. პაპუს კვიპროსულ “აპოლონში” 15 მატჩში მხოლოდ 10 წუთი მიეცა და “აპოლონს” მალე დატოვებს. მისი ხილვა რეალურ საქმეში საინტერესო იქნება.
რევაზ ინჯგიამ “აპოლონში” დაახლოებით 40-50 წუთი მიიღო, არადა მისი სტილის, სწრაფი შემტევი ეროვნული ლიგის მცველებს დიდ თავსატეხს გაუჩენდა.
მართალია, “დინამომ” “გაგრადან” დავით კერესელიძე დაიმატა, მაგრამ ომარ მიგინეიშვილმა კარიერა დაასრულა, პრიეტოს კი გიორგი მამარდაშვილი გაცილებით სჯობს. გიორგი “ვალენსიაში” სექტემბრის შემდეგ არ გამოჩენილა და მას სათამაშო დრო ახლა ყველაზე მეტად სჭირდება. ოდესმე ხომ უნდა ჩაატაროს 1 მატჩი მაინც მამარდამ “დინამოში”?
პაპუნაშვილი 25 წლისაა, ნინუა 22-ის, ჩაკვე 22-ის, მამარდა 21-ის და ინჯგია 20-ის. ევროპული დესანტი “დინამოში” ამ გუნდს კონფერენციის ლიგის ჯგუფურ ეტაპზე აუცილებლად გაიყვანდა და საქართველოს ჩემპიონატის მოგების მთავარი ფავორიტიც იქნებოდა. “დინამოს” ძლიერი ფეხბურთელები სჭირდება, მათ სათამაშო დრო და ყველასთვის დამტკიცება, თუ რა შეუძლიათ.
ურთიერთსასარგებლო თანამშრომლობა.
