5 ახალგაზრდა ვარსკვლავი, რომელიც დიდ ასპარეზზე ახლახან გამოჩნდა
5. ანდრეს კრისტიენსენი
გუნდი: “მიონხენგლადბახი” (განათხოვრებულია “ჩელსიდან”)
ასაკი: 19 წლის
ქვეყანა: დანია
“ჩელსი” ძალიან ბევრი ნიჭიერი ახალგაზრდა ჰყავს, მათ შორის ერთ-ერთი ყველაზე პერსპექტიული ფეხბურთელია, ქრისტიენსენი, რომელიც გერმანიაშია განათხოვრებული. მან შუბერტის ძირითად თერთმეტეულში ადგილი მარტივად დაიმკვიდრა და რთული წარმოსადგენი არაა, რომ დანიელმა ცენტრალურმა მცველმა, “არისტოკრატებშიც” იგივე გაიმეოროს.
4. სერხი რობერტო
გუნდი: “ბარსელონა”
ასაკი: 23 წლის
ქვეყანა: ესპანეთი
სერხი რობერტო – ძალიან ნიჭიერი ფეხბურთელი, თუმცა მისთვისაც ძალიან რთულია წინააღმდეგობა გაუწიოს ისეთი დონის ნახევარმცველებს, როგორებიც ბუსკეტსი, ინიესტა და რაკიტიჩი არიან. მიუხედავად ამისა, მიმდინარე სეზონში რობერტო საკმაო სათამაშო დროს იღებს.
3. ჟოელ კემბელი
გუნდი: “არსენალი”
ასაკი: 23 წლის
ქვეყანა: კოსტა რიკა
მაშინ, როცა კემბელმა კოსტა რიკასთან ერთად, მსოფლიო ჩემპიონატზე ფურორი მოახდინა, ყველა თვლიდა, რომ ის “არსენალში” ადგილს მარტივად დაიმკვიდრებდა, თუმცა ამისთვის არც თუ ისე ცოტა დრო დასჭირდა. “მეთოფეები” ჩემპიონთა ლიგის შემდეგ ეტაპზე გავიდნენ, მათ ბერძნული “ოლიმპიაკოსი” ჩატოვეს ჯგუფში, რაც კოსტა რიკელი შემტევის უდიდესი დამსახურება იყო.
2. პაულო დიბალა
გუნდი: “იუვენტუსი”
ასაკი: 22 წლის
ქვეყანა: არგენტინა
“პალერმოს” ყოფილ ფეხბურთელს უამრავი შემოთავაზება ჰქონდა, თუმცა მან იტალიაში დარჩენა გადაწყვიტა და “იუვენტუსს” შეუერთდა. მან ალეგრის ნდობა მალევე მოიპოვა და ძირითადში დამკვიდრება არ გასჭირვებია. ის ჯერ კიდევ 22 წლისაა და ვინ იცის რას მიაღწევს მომავალში.
1. ალესიო რომანიოლი
გუნდი: “მილანი”
ასაკი: 20 წლის
ქვეყანა: იტალია
მაშინ, როდესაც “მილანმა” “რომას” რომანიოლის სანაცვლოდ 30 მილიონი ევრო გადაუხადა, ყველა თვლიდა, რომ ეს თანხა მასში ფუჭად გადაყარეს, თუმცა გამოჩნდა, რომ ის ევროპაში ერთ-ერთი ყველაზე პერსპექტიული მცველია. ის არის მშვიდი და აქვს ძალიან დახვეწილი თამაშის სტილი, რითაც ნესტას ადარებენ, თუმცა ამჟამად მისი ალესანდროსთან შედარება სასაცილოა.
ავტორი: გოგა ნაჭყებია
