7-კაცა ‘ამსტერდამ სევენსზე’ მიიღებს მონაწილეობას
საქართველოს 7-კაცა ნაკრები ამსტერდამ სევენსის საერთაშორისო ტურნირზე გაემგზავრა, რომელიც 22, 23 და 24 მაისს გაიმართება. ამსტერდამის არაოფიციალური სამოყვარულო ტურნირი, როგორც 7-კაცას, ისე ქალთა ნაკრებების მასპინძელია.
ჩვენი 7-კაცელები ამსტერდამში ფრანგულ და გერმანულ კლუბებს ერკინებიან. სამწვრთნელო შტაბი ამ ასპარეზობას ევროპის გრანპრის სერიებისთვის მოსამზადებელ ეტაპად განიხილავს.
„ამსტერდამის ტურნირისთვის ვემზადებით. ტურნირს რამდენიმე დონე აქვს და ჩვენ პირველი დონის ფარგლებში მივდივართ. ეს ტურნირი მნიშვნელოვანია იმით, რომ შემდეგი გასვლა უკვე ოფიციალურ ტურნირზე ევროპის გრანპრის სერიების მოსკოვის ეტაპზე გვაქვს და ამტერდამის შვიდკაცაზე მონაწილეობა, ასე ვთქვათ, მოსამზადებელი პერიოდის გენერალური რეპეტიცია იქნება.“ განაცხადა ზაზა ლეჟავამ, 7-კაცას დაცვის მწვრთნელმა.
„ეს ტურნირი ერთ-ერთი საუკეთესო ასპარეზობაა ევროპაში, რომელზეც ყოველ წელს დავდივართ. ფაქტობრივად, ეს არის მოსამზადებელი პერიოდი ევროპის გრანპრის სერიებისთვის, რომელიც ივნისში დაიწყება მოსკოვში და შემდეგი ეტაპი ლიონში მოყვება. ამიტომ ამ პერიოდში, ამსტერდამის ტურნირზე გამგზავრება ჩვენი მოთამაშეების უკეთესად შეფასების საშუალებას მოგვცემს. ამის მიხედვით უკვე დავაკომპლექტებთ მოსკოვის ეტაპის შემადგენლობას.
გვყავს ისეთი მოთამაშეებიც, რომლებსაც კონკრეტულად ამ ტურნირზე გამოვცდით და აქედან გამომდინარე უკვე იმ ჯგუფის შეკვრას შევუდგებით, რომელიც ევროპის ტურებსა და ოლიმპიადის შესარჩევზეც მიიღებს მონაწილეობას.“ განაცხადა პალიკო ჯიმშელაძემ,7-კაცას დაცვის მწვრთნელმა.
7-კაცას გაფართოებული შემადგენლობა ‘ამსტერდამ სევენსზე’:
1. ბახვა კობახიძე, ბათუმი
2. ნიკო აფციაური, ბოლნისის ყოჩები
3. დავით ლოსაბერიძე, აია
4. ბექა ურჯუკაშვილი, ლიმოჟი (სფრ.)
5. ზურაბ ძნელაძე, ლოკომოტივი
6. დიმიტრი კალანდაძე, ლოკომოტივი
7. შავლეგ მახარაშვილი, ბოლნისის ყოჩები
8. ლევან გოგოლაშვილი, ბოლნისის ყოჩები
9. ირაკლი გეგენავა , ბოლნისის ყოჩები
10. ირაკლი ყიასაშვილი, ლელო სარასენს
11. თორნიკე თეგეტაშვილი, რუსთავის ხარები
12. ლადო მიმინოშვილი, ბათუმი
სამწვრთნელო შტაბი:
მთავარი მწვრთნელი – კახა ალანია
მწვრთნელი – ზაზა ლეჟავა
მწვრთნელი – პალიკო ჯიმშელაძე
მენეჯერი – ნოდარ ანდღულაძე
ფიზ. მომზადება – ივა ერგემლიძე
ვიდეო ანალიტიკოსი – სანდრო ჭეიშვილი
