კაკას წერილი მადრიდის ”რეალის” გულშემატკივრებს
მადრიდის ”რეალიდან” ”მილანის” შემადგენლობაში დაბრუნებული რიკარდო კაკა ”სამეფო კლუბის” გულშემატკივრებს წერილის დახმარებით დაემშვიდობა.
შეგახსენებთ, რომ 31 წლის სამხრეთ ამერიკელი ”ბლანკოსში” ოთხი წლის განმალობაში თამაშობდა, ხოლო ”როსონერისთან” მან ორწლიან შეთანხმებას მოაწერა ხელი.
”ძვირფასო მადრიდისტებო! ოთხი სეზონის განმალობაში მე ”რეალის” ღირსების დაცვას ვცდილობდი. ამ გუნდის შემადგენლობაში სამი ტიტული მოვიგე და კლუბში მომუშავე ყველა ადამიანისგან უდიდესი სითბო მივიღე”, – წერს კაკა თავისი ტვიტერის გვერდზე.
”მილანში” დაბრუნება – ჩემი ცხოვრების ახალი ეტაპის დაწყებას ნიშნავს. ამის მიუხედავად, ესპანეთში მიღებული ემოციები ჩემს გულში სამუდამოდ დაიმკვიდრებენ ადგილს. დამიჯერეთ, გუნდისთვის ყველაფერს ვაკეთებდი, რისი გაკეთებაც შემეძლო. ასეთი დონის კლუბის მოთამაშედ ყოფნა – უდიდესი პატივია. მიუხედავად იმისა, რომ რთულ მომენტებსაც ჰქონდა ადგილი, ამ პერიოდს ჩემი ცხოვრების ერთ-ერთი საუკეთესო პერიოდად მივიჩნევ. მსურს მადლობა როგორ თქვენ, გულშემატკივრებს, ასევე კლუბის ხელმძღვანელებს და ჩემს კოლეგებს გადავუხადო. თქვენ ყველანი მეხმარებოდით, რასაც არასდროს დავივიწყებ. დიდი მადლობა! Hala Madrid!”, – დაასრულა რიკიმ.
ალექსანდრე მატევოსოვი
