“სიტიმ” სახლში “ევერტონს” სძლია

ინგლისის პრემიერ ლიგის მორიგ ტურში, “მანჩესტერ სიტიმ” “ეტიჰად სთედიუმზე” მერსესაიდულ “ევერტონს” უმასპინძლა და 3-1 დაამარცხა.

მატჩი მცირე მოულოდნელობით დაიწყო. მე-17 წუთზე ლუკაკუს ბრწყინვალე თამაშის წყალობით, სტუმრებმა ანგარიში გახსნეს.
მიუხედავად ამისა, ლივერპულელთა სიხარული ხანმოკლე გამოდგა. დაახლოებით ერთ წუთში ია ია ტურეს ფანტასტიკური პასის დახმარებით, ალვარო ნეგრედომ წონასწორობის აღდგენა შეძლო.

პირველმა ნახევარმა სერხიო აგუეროსთვის ცუდად ჩაიარა, თუ არ ჩავთვლით გოლს, რომელიც მან ტაიმის მიწურულს გაიტანა. მან მახვილი კუთხიდან უზუსტესი ბურთი დაარტყა და თავისი გუნდი დააწინაურა.

ბოლო გოლი კი თერთმეტმეტრიანით გავიდა, რომელიც სტუმართა კარში დაინიშნა. არგენტინელმა თავდამსხმელმა ეს შანსი ხელიდან არ გაუშვა და დუბლი შეასრულა.
ამრიგად, “ქალაქელებმა” საკუთარ მოედანზე მორიგი სამი ქულა მოიპოვეს.

“მანჩესტერ სიტი” 3-1 “ევერტონი”

გოლები: ნეგრედო, 17, აგუერო, 45, 69, (პენ.) – ლუკაკუ, 16.

“სიტი“: ჯო ჰარტი, ზაბალეტა, კომპანი (ნასტასიჩი, 35), ლესკოტი, კოლაროვი (კლიში, 58), ია ია ტურე, ფერნანდინიო, მილნერი, დავიდ სილვა, კუნ აგუერო (ნასრი, 79), ნეგრედო.

“ევერტონი”: ჰოვარდი, კოულმენი, იაგიელკა, სიტენი, ბეინსი, მაკარტი, ოსმანი (გიბსონი, 63), მირალიასი (დეულოფეუ, 63), ბარკლი, ნეისმიტი, ლუკაკუ (კონე, 82).

გაფრთხილებები: კომპანი, მილნერი, სილვა, ზაბალეტა, ფერნანდინიო – ჰოვარდი, დისტინი, კოულმენი, ნეისმიტი.

სანდრო საპანაძე