Fanebi.Ge-ზე ახალი კონკურსი იწყება

Fanebi.Ge მაქსიმალურად ცდილობს, წაახალისოს თავისი მომხმარებლები და სწორედ ამიტომ, ჩვენი ინტერნეტ-პორტალი კიდევ ერთ კონკურსს გთავაზობთ. როგორც მოგეხსენებათ, საიტს აქვს დამოუკიდებელი სტატისტიკის გვერდი, რომელიც სხვადასხვა მონაცემებს აღნუსხავს. მათ შორის არის საუკეთესო მომხმარებლების სიაც, რომლის მნიშვნელობაც, ახალი კონკურსის გამო, უახლოესი რამდენიმე თვის განმავლობაში ერთიორად გაიზრდება.

ახალი კონკურსის წესის მიხედვით, ერთი თვის თავზე საუკეთესო მომხმარებელთა სიაში  მყოფ პირველ 10 ადამიანს „ევროპაბეთის“ ანგარიშზე 10-10 ლარი დაერიცხება (თუ მომხმარებელს სტატუსი „პროფესიონალზე“ დაბალი ექნება, მას თანხა არ დაერიცხება).

საუკეთესო მომხმარებელთა სიაში მოსახვედრად ერთადერთი რამ, რაც გმართებთ, ეს საიტზე აქტურობა და მაქსიმალურად მეტი ქულის დაგროვებაა, რაც შემდეგი ქმედებების შედეგად მიიღწევა:

ვირტუალურად უნდა დაესწროთ Fanebi.Ge-ზე გამოყოფილ მატჩებს;
საიტზე არსებული მატჩების გვერდზე უგულშემატკივროთ რომელიმე გუნდს;
გამოიცნოთ საფეხბურთო შეხვედრების შედეგები;
გააკეთოთ კომენტარები სიახლეებზე და მატჩების გვერდებზე;
სურვილის შემთხვევაში, გამოაგზავნოთ სტატიები.
არის გარკვეული სახის შეზღუდვაც: თანხა დაერიცხებათ მხოლოდ იმ პირებს, რომელიც საუკეთესო მომხმარებელთა ათეულში მინიმუმ  „პროფესიონალის“ სტატუსის მქონენი იქნებიან. აღნიშნული სტატუსის მოპოვება ისევ აქტიურობის შედეგად შეგიძლიათ. გარდა ამისა, ჩვენს პორტალზე იკრძალება უცენზურო და განმეორებითი სახის კომენტარები.  ამასთან, გამოგზავნილი სტატია ჩაითვლება სრულყოფილად, თუ ის იქნება ნორმალურად დაწერილი და არა – სხვა საიტიდან მოპარული (აუცილებელია სტატიას მითითებული ჰქონდეს წყარო). სტატიის გამოგზავნის ინსტრუქციის სანახავად გადადით ბმულზე: სტატიის გამოგზავნა

უცენზურო და განმეორებითი სახის კომენტარის ან მოპარული სტატიის აღმოჩენის შემთხვევაში, ვიტოვებთ უფლებას, პირს დავაკისროთ საჯარიმო ქულები.

აუცილებელია, რომ პროფილში მიუთითოთ „ევროპაბეთის“ საკუთარი ანგარიში.

კონკურსი დასრულდება ერთი თვის შემდეგ (13 ნოემბერს), ხოლო  საუკეთესო მომხმარებელთა სიის ხილვა შეგიძლიათ სტატისტიკის გვერდზე.