ბენიტესი: „ფეხბურთი ერთი დიდი ტყუილია“

იტალიური „ნაპოლის“ მთავარმა მწვრთნელმა რაფაელ ბენიტესმა „ლა რეპუბლიკასთვის“ მიცემულ ინტერვიუში თანამედროვე ფეხბურთის ასპექტებზე ისაუბრა.

„ფეხბურთი ერთი დიდი ტყუილია. არსებობს ისეთი რაღაცები, რასაც საჯაროდ არ ვამბობ. მაგალითად, თუ ჩემი გუნდის რომელიმე ფეხბურთელი ცუდად ითამაშებს, ტელევიზიისა და პრესის საშუალებით არასდროს ვსაუბრობ ამის შესახებ. მიმაჩნია, რომ ჩემი უფლება და მოვალეობაა, ფეხბურთელს მის მიერ დაშვებული შეცდომებისა და ამ შეცდომის გამოსწორების გზებზე პირადად ვესაუბრო. სხვა რა უნდა აკეთოს მწვრთნელმა?

ანჩელოტის რომ შევხვდე, ვიცი, რომ ის ყველაფერს არ მეტყვის, რაც მადრიდის „რეალში“ ხდება და არც მე ვეტყვი ყველაფერს „ნაპოლის“ შესახებ. ჩვენ მხოლოდ ის შეგვიძლია, რომ სხვა გუნდების მიმართ გულწრფელნი ვიყოთ“, – განაცხადა რაფა ბენიტესმა.

ბექა დოგრაშვილი