რას აპირებს მოურინიო „ელ კლასიკოს“ დროს?

მადრიდის „რეალის“ ყოფილმა და ლონდონის „ჩელსის“ ამჟამინდელმა თავკაცმა ჟოზე მოურინიომ პრესკონფერენციაზე განაცხადა, რომ დღეს გასამართი „ელ კლასიკოსთვის“ თვალყურის მიდევნებას არ აპირებს.

„ელ კლასიკო“ არ მაინტერესებს. თუ მკითხავთ, მინდა თუ არა, რომ რომელიმე გუნდმა, მოიგოს, გიპასუხებთ, რომ ერთ-ერთის გამარჯვება მინდა. არ ვაპირებ, რომ შაბათ საღამოს სიმშვიდე დავირღვიო, რადგან კვირას მნიშვნელოვანი მატჩი მელის. ოჯახთან ერთად სადილობას და შემდეგ დაძინებას ვგეგმავ“, – ციტირებს პორტუგალიელი სპეციალისტის სიტყვებს „მარკა“.

ამ უქმეებზე მოურინიოს „ჩელსისაც“ უწევს სერიოზულ მეტოქესთან შეხვედრა: კვირას, დასავლეთლონდონელი „პენსიონერები“ „მანჩესტერ სიტის“ უმასპინძლებენ.

„კმაყოფილი ვარ ჩემი გუნდის თავდამსხმელებით. ისინი გოლებს ვერ იტანდნენ, თუმცა მუყაითად მუშაობდნენ. გასული კვირა ფერნანდო ტორესისთვის და სამუელ ეტოოსთვის პოზიტიური გამოდგა, მათ გაიტანეს გოლები და დიდი სიხარული გვაჩუქეს“, – დაამატა მოურინიომ.

ბექა დოგრაშვილი