ანჩელოტი: „რონალდუს უფრო მეტი გოლის გატანაც შეუძლია“
მადრიდის „რეალის“ მთავარმა მწვრთვნელმა კარლო ანჩელოტიმ თავისი გუნდის ლიდერი კრიშტიანუ რონალდუ შეაქო.
„რონალდუ ეგოისტი არ არის, იგი გუნდზეც ფიქრობს. ბეილის მოსვლამდე ბევრს ეგონა, რომ მოთამაშეები ერთმანეთს ვერ გაუგებდნენ. საბედნიეროდ, ეს ვარაუდი არ გამართლდა. ისინი ერთმანეთს პასებს აძლევენ და საკმაოდ კარგ დუეტსაც ქმნიან“.
„მიმდინარე სეზონში თავისი თამაშით რონალდუმ ყველა გააოცა. რა თქმა უნდა, მადრიდში გადასვლამდე კრიშტიანუს მონაწილეობით არაერთი მატჩი მაქვს ნანახი, თუმცა, როდესაც მასთან ერთად ყოველდღე ვმუშაობ, უბრალოდ გაოცებული ვარ. იგი გოლს ყოველ შეხვედრაში იტანს, 18 თამაშში მეტოქეთა კარის აღება მან 25-ჯერ შეძლო.
გარდა ამისა, ფეხბურთის იტალიელმა სპეციალისტმა გარეთ ბეილის შესახებაც ისაუბრა:
„ბეილი ახალ გარემოს სწრაფად შეეჩნია. ამის გამო გახარებულები ვართ. ახალ ქვეყანაში ადაპტაცია არც თუ ისე ადვილი საქმეა. როდესაც გარეთი შემოგვიერთდა, მას მცირე პრობლემები ჰქონდა, რადგან ახალი სეზონისთვის სხვა ფეხბურთელებთან შედარებით იგი არ მომზადებულა“.
