მოურინიო „ჩელსის“ უტიტულოდ დარჩენას არ გამორიცხავს

ლონდონის „ჩელსის“ მთავარი მწვრთნელი ჟოზე მოურინიო მიმდინარე სეზონში უტიტულოდ დარჩენას შიშობს.

„რეალში“ გასული სეზონი ჩემთვის ყველაზე ცუდი იყო. ჩვენ მხოლოდ ესპანეთს სუპერთასი მოვიგეთ. თუმცა, ეს არაფერს ნამდვილად სჯობდა“, – აცხადებს მორინიო.

„რა თქმა უნდა, ჩემი ფილოსოფიისა და კლუბის მიზნების გათვალისწინებით, მიმდინარე სეზონში უტიტულოდ დარჩენა უბრალოდ მიუღებელია. ასეა თუ ისე, შესაძლოა, მართლაც ვერცერთი ტიტული მოვიგოთ. ჩემპიონთა ლიგაზე სერიოზულ გუნდებთან ერთად ვიბრძვით, ისევე, როგორც შიდა ჩემპიონატში. ადვილი იქნებოდა იმის თქმა, რომ ოთხი, ხუთი ან ექვსი წელი გვჭირდება. მაგრამ, ჩემზე ან „ჩელსიზე“ ამას არ ვიტყვი. ჩვენ გუნდის აშენება გვსურს, თუმცა, ამავე დროს, შედეგის მიღწევაზეც ვფიქრობთ“, – დაასრულა ფეხბურთის პორტუგალიელმა სპეციალისტმა.

ალექსანდრე მატევოსოვი