გატუზო და ბროკი გარიგებულ მატჩებში მონაწილეობდნენ?
იტალიურმა პოლიციამ გარიგებულ მატჩებთან დაკავშირებული ახალი გამოძიება დაიწყო.
ქვეყნის ერთდროულად რამდენიმე ქალაქში კარაბინიერებმა საფეხბურთო ფუნქციონერები დააკავეს. ამ ქალაქებში მილანი, ბოლონია, რიმინი და მესინა შევიდნენ.
აღსანიშნავია, რომ გარიგებულ შეხვედრებში მონაწილეობის მიღებაში, შესაძლოა, ქალაქ კრემონას პროკურორმა „მილანის“ ყოფილი ნახევარმცველები ჯენარო გატუზო და კრისტიან ბროკი დაადანაშაულოს. როგორც ცნობილია, „როსონერის“ ექს-ფეხბურთელების სახლები პოლიციამ უკვე გაჩხრიკა.
ყველაფერთან ერთად, ამ სკანდალთან კავშირი სხვა ფეხბურთელებსაც აქვთ. ორი მათგანი სამართალდამცავებმა უკვე დააკავეს, თუმცა მათი სახელების გახმაურებისგან ჯერჯერობით თავს იკავებენ.
არალეგალურ ფსონებს იტალიის პოლიცია აქტიურად ებრძვის. აღნიშნული დანაშაულისთვის აქამდე კარაბინიერებმა 54 ადამიანი დააკავეს. გარდა ამისა, ისინი ერთდრულად 120 მსგავს საქმეს იძიებენ.
ალექსანდრე მატევოსოვი
