„არსენალს“ დიეგო კოსტას შეძენა სურს

ლონდონის „არსენალი“ მადრიდის „ატლეტიკოს“ თავდამსხმელით დიეგო კოსტათი აინტერესდა.

როგორც ცნობილია, „მეთოფეთა“ სკაუტები მიმდინარე კვირას ესპანეთში გაფრინდებიან, რათა მადრიდული კლუბის ფორვარდის თამაშს მიადევნონ თვალყური.

მიმდინარე წლის ზაფხულში დიეგომ დედაქალაქურ კლუბთან ახალ კონტრაქტს მოაწერა ხელი, რომელიც 2018 წლამდე იმოქმედებს. გარდა ამისა, ხელშეკრულების მიხედვით, იმ კლუბს, რომელიც დიეგოს შეძენას ისურვებს, 38 მილიონი ევროს გადახდა მოუწევს. ასე რომ, ლონდონელებს კოსტას დასამატებლად ბევრის გაკეთება მოუწევთ.

მიმდინარე სეზონში ესპანეთის ჩემპიონატის 16 მატჩში კსოტამ 17 გოლი გაიტანა. უეფა-ს ჩემპიონთა ლიგის ჯგუფური ეტაპის სამ მატჩში კი დიეგოს მონაგარმა ოთხი გოლი შეადგინა.

ალექსანდრე მატევოსოვი