“საბურთალო” “სალერის თასის” გამარჯვებულია
მორიგი ტრიუმფით დასრულდა “სალერის თასის” მესამე საერთაშორისო ტურნირი საფეხბურთო კლუბ “საბურთალოსთვის – ჩვენმა გუნდმა დღეს მადრიდის “ატლეტიკოს” თანატოლებთან 11-მეტრიან დარტყმებში იმარჯვეს და კლუბს ზედიზედ მესამე ტიტული მოუპოვეს! თავდაპირველად სტუმრები დაწინაურდნენ, გატანილი გოლით თავიალბერტო რენტერომ გამოიჩინა. თუმცა, რამდენიმე წუთში გიორგი ხარაიშვილმაულამაზესი გოლი გაიტანა – ჩვენმა “ათიანმა” გზად რამდენიმე ფეხბურთელი ჩამოიშორა და მოხდენილი დარტყმით ბურთი “ატლეტიკოს” კარში ააფართხალა. თერთმეტმეტრიან დარტყმებში კი უფრო მეტად მასპინძლებს გაუმართლათ და მთავარ თასსაც დაეუფლნენ!
გემახსოვრებათ, რომ ეს გუნდები პირველად ჯგუფში დაუპირისპირდნენ ერთმანეთს. რამდენიმე დღის წინ გამართული შეხვედრაც 1:1 მორჩა, მაშინაც გოლები მეორე ტაიმის შუაში გავიდა, იმ შეხვედრაშიც თავიდან სტუმრები იგებდნენ და მასპინძლებმა ამის მერეღა შეძლეს გათანაბრება. თუმცა, იმ მატჩისა და დღევანდელი შეხვედრის განსხვავება ის იყო, რომ ესპანელები 70-ე წუთიდან უმცირესობაში დარჩნენ. ასევე მატჩის მნიშვნელობა დღევანდელი დღის უფრო დიდი იყო, ვიდრე ჯგუფურ ეტაპზე დაპირისპირებისას.
ფინალური შეხვედრა იყო და ბუნებრივია ორივე გუნდი ღელავდა, თითოეულ შეცდომას შეიძლებოდა მატჩის ბედი გადაეწყვიტა. აქედან გამომდინარე, გუნდები პირველ ნახევარში უფრო ფრთხილობდნენ.
არადამაჯერებელი ჩანდა სტუმართა გუნდის კიპერი, შესვენებაზე “ატლეტიკოს” მთავარმა მწვრთნელმა პაკო საიასმა სწორედ მეორე მეკარეს უხმო. დებიუტში გიორგი ხარაიშვილმა შორი მანძილიდან მოსინჯა მეკარის ძალები, ესპანელთა გოლკიპერმა პირველ ეპიზოდში ბურთი ვერ შეიმაგრა და მეორე ჯერზე დააფიქსირა ჩვენებურის დარტყმული. ტაიმის შუაში კი მამუჩაშვილის გასროლილი, უკვე ძელმა აისხლიტა. სტუმართა მხრიდან აქტიურობდნენ ალბერტო რენტერო, რომელიც როგორც შემდგომ გაირკვა ტურნირის ბომბარდირი გახდა და კეიდი ბარე. სწორედ, ამ უკანასკნელმა დაარტყა ერთ-ერთ ეპიზოდში სახიფათოდ, მაგრამ ლაზარე კუპატაძედამაჯერებელი იყო.
შეხვედრამ უდიდესი ინტერესი გამოიწვია, “ბენდელაზე” მრავლად შეიკრიბა “საბურთალოს” ქომაგი. სტუმრები არც “ვიპ” ლოჟას აკლდა, სადაც ბევრ ნაცნობ და ფეხბურთის გულშემატკივარს მოჰკრავდით თვალს. ქართულ-ესპანურ ფინალს თვალს ბერა ივანიშვილიც ადევნებდა.
რაც შეეხება მეორე ნახევარს, დაძაბული და დრამატული გამოდგა – საწყის წუთებში პაკო სიასის ბიჭები დაწინაურდნენ, გატანილი გოლით თავი როგორც უკვე გითხარით ალბერტო რენტერომ გამოიჩინა. ბუნებრივია, გაშვებული გოლის შემდეგ “საბურთალოს” “ყურები არ ჩამოუყრია” და იერიშები უფრო აქტიურად და აგრესიულად განაგრძო. ამას დაემატა ისიც, რომ 70-ე წუთიდამ მადრიდელები უმცირესობაში დარჩნენ – ჯერ უხეში თამაშის გამო მსაჯმა ხესუს არანდა გააფრთხილა, შემდეგ კი ბურთის გადაგდების გამო მეორე ყვითელი მიიღო და ავტომატურად დატოვა მინდორი.
მასპინძლებს ერთგული ქომაგის მხადრაჭერამ უფრო მეტი შემართება მისცა, საბურთალოელი ჭაბუკები გააქტიურდნენ და 75-ე წუთისთვის გიორგი ხარაიშვილმა, რომელიც ტურნირის მართლაც გამორჩეული ფეხბურთელი იყო, საფირმო გოლი შეაგდო – “ათიანმა” თავის თავზე აიღო თამაში, დრიბლინგით რამდენიმე ფეხბურთელი ჩამოიშორა, საჯარიმოს მიუახლოვდა და მარჯვენათი სტუმართა კიპერი მიგელ სან რომანიუშანსოდ დატოვა – 1:1.
გაიხარეს ფეხბურთელებმა და გაიხარეს გულშემატკივრებმაც, რომლებიც მრავლად იყვნენ ტრიბუნებზე. გატანილმა გოლმა ჩვენს ბიჭებზე დადებითად იმოქმედა და ერთ-ერთ ეპიზოდში რომ გამართლებოდათ, ანგარიშში დაწინაურდებოდნენ კიდევაც. მიუხედავად უმცირესობისა, სტუმრები მაინც სახიფათოდ უტევდნენ ჩვენს კარს, მაგრამ მოწოდების სიმაღლეზე იყო ლაზარე კუპატაძე.
მატჩის დასრულებამდე რამდენიმე წუთით ადრე, მთავარმა მწვრთნელმა თემურ
შალამბერიძემ ცვლილება განახორციელა – მშვენივრად მოთამაშე კიპერის ნაცვლად, ოთო გოშაძე ჩართო შეხვედრაში. ბუნებრივია, ეს ყოველივე 11 მეტრიანებზე გათვლა იყო.
პენალტები თბილისელებისთვის წარმატებით დაიწყო – ჯემალ ტაბიძის გოლს, ფედერიკო ობამას აცილებული პენალტი მოჰყვა. გუშთელიანის გაცუდებული პენალტი, გოშაძემ გამოასწორა და სეივი განახორციელა. მორიგი დარტყმები ზუსტად შეასრულეს რუხაძემ და ჩაბრაძემ. საბოლოოდ გამარჯვების მომტანი გოლი გუნდის კაპიტანმა გიორგი ხარაიშვილმა შეაგდო და “საბურთალოს” სიხარულიც დაიწყო!
გაიხარეს, როგორც ფეხბურთელებმა, ასევე გულშემატკივრებმა და კლუბის ხელმძღვანელებმა. მონაწილე გუნდებს გადაეცათ სპეციალურად დამზადებული სინჯის მედლები და თასები. ასევე გამოვლიდნენ საუკეთესოებიც. ტურნირი კი გრანდიოზულმა ფოიერვერკმა დაასრულა.
22 დეკემბერი. “ბენდელა”. 1200 გულშემატკივარი
საბურთალო – ატლეტიკო 1:1 (0:0) 4:2 პენალტები
საბურთალო: კუპატაძე, კაკიაშვილი, ტაბიძე, თევზაძე, მამუჩაშვილი, გოშთელიანი, ხარაიშვილი (კ), ბარამიძე, ბლიაძე, წოწონავა, წივილაშვილი.
ცვლილებაზე შევიდნენ: გოშაძე, მარგველაშვილი, რუხაძე, ჩაბრაძე.
ატლეტიკო: პერესი, პრიეტო (კ), როდრიგესი, დელ ამო, რენტერო, არანდა, ანგელ აგუერო, ალვარესი, ბარე, ტალავერა, მორენო.
ცვლილებაზე შევიდნენ: მიგელ რომანი, ფ. ობამა, ს. ობამა, გომესი.
გოლები: 0:1 რენტერო (62), 1:1 ხარაიშვილი (76).
გაძევება: ხესუს არანდა (70).
მთავარი მსაჯი: ოთარ ხეცაძე
ნომინაციებში საუკეთესოები:
საუკეთესო მეკარე – ოთო გოშაძე (საბურთალო)
საუკეთესო მცველი – ჯიმი ტაბიძე (საბურთალო)
საუკეთესო ნახევარმცველი – კეიდი ბარი (ატლეტიკო)
საუკეთესო თავდამსხმელი – მუჰამედ ავადი (მაკაბი)
ბომბარდირი – ალბერტო რენტერო (ატლეტიკო, 4 გოლი)
გულშემატკივრების სიმპატია – ბორდან ლედნიოვი (დნიპრო)
საუკეთესო ფეხბურთელი – გიორგი ხარაიშვილი (საბურთალო)
თბილისის ფეხბურთის ფედერაციამ დააწესა პრიზი საუკეთესო “ათიანი” – გიორგი ხარაიშვილი (საბურთალო).
