„რეალს“ რუნის შეძენის ყველაზე მეტი შანსი გააჩნია

რამდენიმე ბრიტანულმა გამოცემამ გუშინ საინტერესო ინფორმაცია გაავრცელა, რომლის თანახმად, „მანჩესტერ იუნაიტედის“ თავდამსხმელი უეინ რუნი, შესაძლოა, მადრიდის „რეალში“ გადავიდეს.

არაოფიციალური ცნობით, „სამეფო კლუბის“ წარმომადგენლები რამდენიმეჯერ ინგლისის ნაკრების ფორვარდის აგენტსაც კი დაუკავშირდნენ.

აღსანიშნავია, „წითელი ეშმაკების“ მოთამაშე კლუბთან ახალი კონტრაქტის გაფორმების თაობაზე მოლაპარაკებების დაწყებისგან ჯერჯერობით თავს იკავებს. მიმდინარე ხელშეკრულება მხარეებს 2015 წლამდე აკავშირებთ.

შეგახსენებთ, რომ არც ისე დიდი ხნის წინ უეინის შეძენის მთავარ პრეტედენტად ლონდონის „ჩელსი“ ითვლებოდა.

ბრიტანული ტაბლოიდები ასევე იმის შესახებ წერენ, რომ მომავალ წელს მადრიდელები მანჩესტერელებს 28 წლის ფეხბურთელის სანაცვლოდ ოცდახუთ მილიონ ევროს შესავაზებენ.

ალექსანდრე მატევოსოვი