ინიესტა: “თუ ვალდესი “ბარსელონას” დატოვებს, ვიტირებ”

კატალონიის “ბარსელონას” ნახევარმცველი, ანდრეს ინიესტა აცხადებს, რომ იმ შემთხვევაში, თუ ვიქტორ ვალდესი გუნდს დატოვებს, ის იტირებს.

შეგახსენებთ, რომ 31 წლის კარის დარაჯს “ბლაგაურნასთან” კონტრაქტი 2014 წლის ზაფხულში ეწურება და როგორც თავად თქვა, ის მის გახანგძლივებას არ აპირებს.

“გულწრფელად გეტყვით, როდესაც ვალდესი წავა, ვიტირებ. თუმცა, ისიც სათქმელია, რომ ამით ყველაფერი არ მთავრდება. ჩვენი მთავარი მიზანი კვლავაც ტიტულების მოგება იქნება. მშვენიერი მწვრთნელი გვყავს და ვფიქრობ, არაერთ წარმატებას მივაღწევთ”, – ამბობს ინიესტა.

ინიესტა აზრით, ლიონელ მესი “ბარსელონასთვის” უმნიშვნელოვანესი ფიგურაა და ის ოქროს ბურთს იმსახურებს.

“ლეო ჩვენთვის უმნიშვნელოვანესი ფიგურაა. ვფიქრობ, ის ოქროს ბურთს იმსახურებს. იმედი მაქვს, მასთან ერთად კიდევ ბევრ ტიტულს მოვიგებ.”